ព័ត៌មានអន្ដរជាតិ

រដ្ឋមន្ត្រីម៉ាដាហ្គាស្កាម្នាក់ហែលទឹកពេញមួយយប់ទើបដល់គោក ក្រោយធ្លាក់ឧទ្ធម្ភាគចក្រ

បានផុស

៣ years មុន

នៅ

ថ្ងៃពុធ ២២ ធ្នូ ២០២១

ដោយ

រដ្ឋមន្ត្រីប្រទេសម៉ាដាហ្គាស្កាម្នាក់ក្នុងចំណោមអ្នករស់រានមានជីវិត២នាក់បានតស៊ូហែលទឹកយ៉ាងយូររហូតដល់១២ម៉ោងដើម្បីទៅច្រាំងសមុទ្រ បន្ទាប់ឧទ្ធម្ភាគចក្ររបស់ពួកគេបានធ្លាក់ចូលទៅក្នុងទឹកសមុទ្រនៅភាគខាងជើងកោះរបស់ប្រទេស។ នេះបើតាមអាជ្ញាធរបាននិយាយ។

ប៉ូលិស និងអាជ្ញាធរកំពង់ផែបាននិយាយថា ការស្រាវជ្រាវបានកំពុងបន្តសម្រាប់អ្នកដំណើរពីរនាក់ទៀត ក្រោយពេលឧទ្ធម្ភាគចក្របានធ្លាក់កាលពីថ្ងៃចន្ទដែលមូលហេតុនៃគ្រោះថ្នាក់នេះមិនទាន់ត្រូវបានគេឲ្យដឹងភ្លាមៗទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Serge Gelle ជារដ្ឋមន្ត្រីម្នាក់នៅក្រសួងមហាផ្ទៃ និងមន្ត្រីប៉ូលិសម្នាក់ទៀតបានទៅដល់ដីគោកនៅទីក្រុងមាត់សមុទ្រ Mahambo នាព្រឹកថ្ងៃអង្គារ៍ បន្ទាប់ពីគ្រោះថ្នាក់បានកើតមានឡើងនាយប់ថ្ងៃចន្ទ។

វីដេអូដែលត្រូវបានគេបង្ហោះតាមបណ្តាញទំនាក់ទំនងសង្គម លោក Gelle អាយុ៥៧ឆ្នាំមើលទៅនឿយហត់អស់កម្លាំងខ្លាំង ប៉ុន្តែលោកនៅតែស្លៀកពាក់ឯកសណ្ឋានប៉ូលិសដដែល។

លោកបាននិយាយថា ៖«ពេលវេលាស្លាប់របស់ខ្ញុំមិនទាន់មកដល់» ហើយបន្ថែមថា លោកត្រជាក់ខ្លាំង ប៉ុន្តែគ្មានរងរបួសអ្វីទេ។

ឧទ្ធម្ភាគចក្របានកំពុងហោះដឹកលោក និងអ្នកដទៃដើម្បីពិនិត្យមើលទីតាំងដែលលិចនាវានៅឆ្នេរភាគខាងលិចកាលពីព្រឹកថ្ងៃចន្ទ។

លោកឧត្តមសេនីយ៍ Zafisambatra Ravoavy បានឲ្យដឹងកាលពីថ្ងៃអង្គារ៍ថា យ៉ាងហោចណាស់មនុស្ស៣៩នាក់បានស្លាប់ក្នុងឧបទ្ទវហេតុនេះ។