ព័ត៌មានអន្ដរជាតិ

ភរិយាប្រធានាធិបតីបារាំងនឹងប្តឹងរឿងដែលគេថា លោកស្រីកែភេទពីប្រុស

បានផុស

៣ years មុន

នៅ

ថ្ងៃព្រហស្បតិ៍ ២៣ ធ្នូ ២០២១

ដោយ

ភរិយារបស់លោកប្រធានាធិបតីបារាំង លោកស្រី Brigitte Macron នឹងចាត់វិធានការផ្លូវច្បាប់ជុំវិញទ្រឹស្តីឃុំឃិតតាមអ៉ីនធឺណេតដែលលើកឡើងថា លោកស្រីជាស្រីកែភេទ និងកើតមកជាប្រុស។

ស្ត្រីទី១បារាំងបានក្លាយជាគោលដៅតាមបណ្តាញទំនាក់ទំនងសង្គមជាមួយនឹងការអះអាងក្លែងក្លាយ បន្ទាប់ពីការអះអាងទាំងនោះត្រូវបានចេញផ្សាយនៅលើវេបសាយរបស់ក្រុមស្តាំនិយមកាលពីខែកញ្ញា។ បន្ទាប់មកក៏មានការផ្សព្វផ្សាយពីអ្នកទ្រឹស្តីសមគំនិតគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យចរចាមអារ៉ាមតៗគ្នានិយាយថា លោកស្រីកើតជាប្រុសដាក់ឈ្មោះ Jean-Michel Trogneux។ ឈ្មោះត្រូវបានអ្នកប្រើប្រាស់បណ្តាញសង្គមរាប់ម៉ឺននាក់នាំគ្នានិយាយលេងសើចយ៉ាងខ្លាំង។

មេធាវីរបស់លោកស្រី Macron ដែលជាម្តាយកូន៣នាក់ធំពេញវ័យជាមួយប្តីមុនបានបញ្ជាក់ថា លោកស្រីនឹងចាត់វិធានការផ្លូវច្បាប់។

លោក Jean Ennochi ជាមេធាវីបាននិយាយថា ៖«លោកស្រីបានសម្រេចចិត្តចាត់ការផ្លូវច្បាប់។ វាកំពុងដំណើរការ»។

ការកុហកអំពីអាយុ៦៨ឆ្នាំត្រូវបានផ្សព្វផ្សាយសាយភាយដោយគណនីដែលប្រឆាំងនឹងស្វាមីរបស់លោកស្រីគឺលោកប្រធានាធិបតី Emmanuel Macron ក្នុងនោះមានទាំងក្រុមអ្នកនយោបាយស្តាំនិយម ក្រុមអ្នកប្រឆាំងនឹងការចាក់វ៉ាក់សាំង និងក្រុមចលនាឃុមឃិត QAnon។

បណ្តាញសារព័ត៌មានបារាំងបានតាមដានអត្ថបទមួយដែលសរសេរដោយព្រឹត្តិប័ត្រសារព័ត៌មានរបស់ក្រុមស្តាំនិយមមួយដោយស្ត្រីឈ្មោះ Natacha Rey។ អត្ថបទនេះមានអ្នកចូលមើលយ៉ាងច្រើនតាមគណនីផ្សេងៗដូចជា YouTube ឈ្មោះ anti-vaxxers, Covid-sceptics និងសកម្មជនស្តាំនិយម៕ ប្រែសម្រួល៖ វីរបុត្រ
ប្រភព៖ BBC

Related Topics:ប្រទេសបារាំង