ទ័ពជើងទឹក អាមេរិក រឹបអូសកាំភ្លើង AK ចំនួន ១,៤០០ ដើមពីនាវានៅ សមុទ្រអារ៉ាប់

កងទ័ពជើងទឹកអាមេរិកបានបញ្ជាក់កាលពីថ្ងៃពុធថា នៅដើមសប្តាហ៍នេះកងនាវាចរទី ៥ បានរឹបអូសកាំភ្លើង AK-47 ប្រហែល ១,៤០០ ដើម និងគ្រាប់យ៉ាងហោចណាស់ ២២៦,០០០ គ្រាប់ពីកប៉ាល់នេសាទដែលធ្វើដំណើរក្នុងសមុទ្រអារ៉ាប់ខាងជើង ។

សព្វាវុធ និងគ្រាប់ត្រូវបានរកឃើញដោយកងកម្លាំងទ័ពជើងទឹក ចំពេលមានការត្រួតពិនិត្យទង់ជាតិស្របតាមច្បាប់អន្តរជាតិនៅសមុទ្រអារ៉ាប់ខាងជើង ។

យោងតាមបុគ្គលិកអាមេរិកបានឲ្យដឹងថា នាវិក ៥ នាក់របស់នាវានេះត្រូវបានកំណត់អត្តសញ្ញាណថាជាជនជាតិយេម៉ែន ហើយនឹងត្រូវបានបញ្ជូនត្រឡប់ទៅប្រទេសដើមរបស់ពួកគេវិញ ហើយក៏កំពុងកំណត់ថាវាប្រហែលជាមានប្រភពដើមនៅក្នុងប្រទេសអ៊ីរ៉ង់ ។

ទន្ទឹមនោះវាក៏កើតឡើងជាច្រើនខែ បន្ទាប់ពីនាវាពិឃាតមីស៊ីលនាំផ្លូវ USS Winston S. Churchill (DDG 81) បានរឹបអូសយកការដឹកជញ្ជូនអាវុធខុសច្បាប់ និងសមាសធាតុសព្វាវុធពីនាវាចំនួន ២ គ្រឿងនៅឆ្នេរសមុទ្រសូម៉ាលី ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ទីបំផុត អាមេរិក ឲ្យប្រើថ្នាំគ្រាប់ក្រុមហ៊ុន Pfizer ព្យាបាលអ្នកជំងឺ កូវីដ អាយុ ១២ ឆ្នាំឡើងទៅ