Omicron គឺជាជំងឺឆ្លងរហ័សបំផុតទី ២ លើផែនដី

យោងតាមវេជ្ជបណ្ឌិតគ្រប់គ្រងការឆ្លងមេរោគទីក្រុង Cleveland បានឲ្យដឹងថា វីរុសកូវីដបំប្លែងខ្លួន Omicron គឺជាជំងឺឆ្លងរហ័សបំផុតទី ២ លើភពផែនដីនៅពីក្រោយជំងឺកញ្ជ្រឹល ។

ថ្លែងនៅក្នុងសន្និសីទសារព័ត៌មានមួយកាលពីថ្ងៃអង្គារលោកស្រី Claudia Hoyen សហនាយកគ្រប់គ្រងការឆ្លងនៃសាកលវិទ្យាល័យ University Hospitals បាននិយាយថា វីរុសបំប្លែងខ្លួន Omicron កំពុងរីករាលដាលដូចជា “ភ្លើងឆេះព្រៃ” នៅទូទាំងភាគឦសាននៃរដ្ឋ Ohio ហើយវាគឺជាផ្នែកមួយនៃការឆ្លងរហ័សបំផុតនៅលើភពផែនដី ។

លោកស្រីបញ្ជាក់ថា ជំងឺ​ឆ្លង​រហ័សបំផុត​ដែល​មនុស្ស​​ស្គាល់​គឺ​កញ្ជ្រឹល ។ Omicron ហាក់ដូចជាកើនឡើងទ្វេដងរៀងរាល់ ២ ទៅ ៣ ថ្ងៃ ដូច្នេះហើយទើបសេវាវេជ្ជសាស្រ្តនៅរដ្ឋ Ohio ភាគឦសានកំពុងធ្វើការលើការសន្មត់ថា ឆាប់ៗនេះ Omicron នឹងគ្របដណ្ដប់ករណីឆ្លងកូវីដភាគច្រើននៅក្នុងតំបន់ ។

ជាចុងក្រោយលោកស្រីបញ្ជាក់ថា បច្ចុប្បន្ន Omicron កំពុងគ្រប់ដណ្ដប់ ៧៣ ភាគរយលើករណីឆ្លងថ្មីនៃជំងឺកូវីដ ១៩ នៅក្នុងសហរដ្ឋអាមេរិក ។ តួលេខនេះតំណាងឲ្យការកើនឡើងយ៉ាងខ្លាំងពី ១៣ ភាគរយកាលពីសប្តាហ៍មុនទៅទៀត ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ទិន្នន័យប្រមូលទូទាំងពិភពលោកបង្ហាញឥទ្ធិពល រវាង អូមីក្រុង និង ដែលតា