អ្នកវិទ្យាសាស្រ្តព្រមាន៖ មនុស្សអាចឆ្លងវីរុសកូវីដបំប្លែងខ្លួន ថ្មីដ៏សាហាវ ៣ប្រភេទ ពីសត្វក្តាន់

អ្នកវិទ្យាសាស្ត្របានព្រមានថា មនុស្សអាចឆ្លងវីរុសកូវីដបំប្លែងខ្លួនប្រភេទថ្មី និងមានឥទ្ធិពលខ្លាំងក្លាពីសត្វក្តាន់។

យ៉ាងហោចណាស់មានវីរុសបំប្លែងខ្លួន៣ប្រភេទ ត្រូវបានរកឃើញនៅក្នុងសត្វក្តាន់កន្ទុយស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឥឡូវនេះការសិក្សាមួយនៅរដ្ឋ Ohio សហរដ្ឋអាមេរិកបានកំណត់សត្វនេះថា ជាកន្លែងស្តុកដ៏មានសក្តានុពលសម្រាប់ការរីករាលដាលនៃមេរោគសាហាវ ដល់មនុស្ស។

សាស្ត្រាចារ្យ Andrew Bowman អ្នកនិពន្ធជាន់ខ្ពស់នៃការសិក្សានៅសាកលវិទ្យាល័យរដ្ឋ Ohio បាននិយាយថា “ផ្អែកលើភស្តុតាងពីការសិក្សាផ្សេងទៀត យើងបានដឹងថា ពួកគេកំពុងត្រូវបានលាតត្រដាងនៅក្នុងព្រៃ ហើយនៅក្នុងបន្ទប់ពិសោធន៍ យើងអាចឆ្លងពួកវា។ មេរោគអាចចម្លងពី សត្វក្តាន់ទៅសត្វក្តាន់។ ក៏មានប្រភពសក្តានុពលផងដែរថា វីរុស SARS-CoV-2 ប្រភេទថ្មី នឹងចម្លងមកមនុស្ស”។

វីរុសបំប្លែងខ្លួនចំនួន៣ប្រភេទ ត្រូវបានរកឃើញក្នុងជាងមួយភាគបីនៃសត្វចំនួន៣៦០ក្បាល នៅទីតាំងចំនួនប្រាំមួយផ្សេងគ្នា។

សំណាកពីច្រមុះសត្វក្តាន់ ត្រូវបានប្រមូលនៅចន្លោះខែមករា ដល់ខែមីនាឆ្នាំ២០២១ ពោលគឺកើតឡើងមុនពេលវីរុសបំប្លែងខ្លួន Delta វាយលុកពិភពលោក។

លំដាប់ហ្សែនបានបង្ហាញពីវីរុសបំប្លែងខ្លួន ដែលដូចគ្នាទៅនឹងប្រភេទដែលមាននៅក្នុងខ្លួនអ្នកជំងឺកូវីដ។ វត្តមានជាបន្តរបស់វីរុសទាំងនេះ អាចបញ្ជាក់ថា មេរោគអាចបង្កបង្កើត និងរស់រាននៅក្នុងសត្វក្តាន់ព្រៃ។

វាមិនត្រូវបានគេដឹងទេថាតើសត្វក្តាន់ឆ្លងមេរោគនេះដោយរបៀបណា ឬថាតើពួកវាអាចឆ្លងទៅមនុស្ស និងប្រភេទសត្វដទៃទៀតដោយរបៀបណា ឬមេរោគវិវត្តយ៉ាងដូចម្តេចនៅក្នុងខ្លួនរបស់សត្វទាំងនោះ៕

ប្រែសម្រួល៖ Vann Vann

ប្រភព៖ Daily Star

ចុចអាន៖ កុំបារម្ភ! ការចាក់វ៉ាក់សាំងលាយគ្នា បង្កើតប្រព័ន្ធភាពស៊ាំខ្លាំងក្លាប្រឆាំង វីរុស