ព័ត៌មានអន្ដរជាតិ

កូវីដបង្ខំឲ្យលុបចោលជើងហោះហើរប្រមាណ៨ពាន់ទូទាំងពិភពលោក

បានផុស

៣ years មុន

នៅ

ថ្ងៃអង្គារ ២៨ ធ្នូ ២០២១

ដោយ

ជើងហោះហើរប្រមាណ៣០០០ត្រូវបានលុបចោលនៅសហរដ្ឋអាមេរិកបណ្តាលមកពីវីរុសបំប្លែងខ្លួនថ្មី Omicron កំពុងរាតត្បាតខ្លាំង។ នេះបើយោងតាមវេបសាយតាមដានអាកាសចរណ៍ FlightAware។

ចំណែកនៅប្រទេសអង់គ្លេសជើងហោះហើរចំនួន១៤២៦៩ត្រូវបានពន្យារពេលនៅថ្ងៃ Boxing Day ដែលជាសប្តាហ៍នៃការប្រកួតលីគបាល់ទាត់អង់គ្លេសសម្រុកខ្លាំងនាចុងឆ្នាំ ហើយជើងហោះចំនួន ៣០៩៩ត្រូវបានលុបចោល ក្នុងនោះជើងហោះហើរ១៣៦៩ស្ថិតនៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមថ្ងៃចន្ទម្សិលមិញ វេលាម៉ោង២:៣០នាទីព្រឹក ម៉ោងក្នុងស្រុក ជើងហោះហើរចំនួន១១៧៦ត្រូវបានលុបចោលទូទាំងពិភពលោក ហើយក្នុងនោះមាន២៦៨ចេញពីសហរដ្ឋអាមេរិក។

ថ្ងៃឈប់សម្រាកនៃពិធីបុណ្យណូអែលគឺជាពេលវេលាធ្វើដំណើរខ្ពស់បំផុត ប៉ុន្តែសម្រាប់ឆ្នាំនេះត្រូវបានបំផ្លាញដោយសារការរាលដាលឆ្លងយ៉ាងឆាប់រហ័សទូទាំងពិភពលោកនៃវីរុសបំប្លែងខ្លួនថ្មី Omicron។

អ្នកនាំពាក្យក្រុមហ៊ុនអាកាសចរណ៍ Delta បាននិយាយកាលពីថ្ងៃអាទិត្យថា ៖«អាកាសធាតុត្រជាក់ខ្លាំងនៅផ្នែកខ្លះនៃសហរដ្ឋអាមេរិក និងវីរុស Omicron នៅតែបន្តប៉ះពាល់ដល់កម្មវិធីហោះហើរចុងសប្តាហ៍របស់ក្រុមហ៊ុន Delta។

ពួកគេបន្ថែមថា ក្រុមហ៊ុនអាកាសចរណ៍បានកំពុងធ្វើការដើម្បីផ្លាស់ប្តូរផ្លូវ និងជំនួសយន្តហោះក៏ដូចជាក្រុមការងារបើកបរដើម្បីទទួលអតិថិជនទៅតាមកន្លែងដែលពួកគេត្រូវការឲ្យបានលឿនតាមដែលអាចទៅរួច៕

ប្រែសម្រួល៖ វីរបុត្រ
ប្រភព៖ msn

Related Topics:ជើងហោះហើរ