ប្រទេសអាស៊ីអាគ្នេយ៍មួយទៀត ផ្ទុះការឆ្លង អូមីក្រុង ក្នុងសហគមន៍

នៅថ្ងៃអង្គារទី២៨ខែធ្នូនេះ អាជ្ញាធរសុខាភិបាលឥណ្ឌូណេស៊ី កំពុងធ្វើការតាមដានទំនាក់ទំនង បន្ទាប់ពីបានរកឃើញករណីដំបូងនៃវីរុសកូវីដបំប្លែងខ្លួនប្រភេទ អូមីក្រុង នៅក្នុងសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីក្រសួងសុខាភិបាលឥណ្ឌូណេស៊ីលោកស្រី Siti Nadia Tarmizi បានប្រាប់សន្និសីទសារព័ត៌មានមួយថា ករណីដែលបានបញ្ជាក់ជាលើកដំបូងនេះគឺបុរសអាយុ៣៧ឆ្នាំ មកពីទីក្រុង Medan ហើយបានចូលភោជនីយដ្ឋានមួយនៅក្នុងសង្កាត់ពាណិជ្ជកម្ម ទីក្រុងហ្សាការតាកាលពីដើមខែនេះ។

បុរសរូបនោះមិនមានប្រវត្តិធ្វើដំណើរទៅក្រៅប្រទេស ឬទាក់ទងជាមួយអ្នកធ្វើដំណើរអន្តរជាតិទេនាពេលថ្មីៗនេះ។ គាត់មានរោគសញ្ញា ហើយកំពុងធ្វើចត្តាឡីស័កក្នុងមន្ទីរពេទ្យក្រុង ហ្សាការតា។

គិតត្រឹមពេលនេះ មានការឆ្លងមេរោគ  អូមីក្រុង ចំនួន៤៧ករណីនៅក្នុងប្រទេសឥណ្ឌូណេស៊ី ដែលភាគច្រើនជាករណីនាំចូល។

គួរបញ្ជាក់ថា ឥណ្ឌូណេស៊ី ដែលជាប្រទេសមានប្រជាជនច្រើនជាងគេលំដាប់ទីបួនលើពិភពលោក បានទទួលរងនូវការផ្ទុះកូវីដដ៏អាក្រក់បំផុតមួយនៅក្នុងទ្វីបអាស៊ី ពោលគឺមានអ្នកឆ្លងជាង ៤.២លានករណី និងស្លាប់១៤៤,០០០នាក់៕

ប្រែសម្រួល៖ Vann Vann

ប្រភព៖ CNA

ចុចអាន៖ វៀតណាម រកឃើញករណី Omicron ជា លើក ដំបូង