ធ្លាក់យន្តហោះនៅអាមេរិក​ គ្មានអ្នករស់ (មានវីដេអូ)

យន្តហោះធុនតូចមួយគ្រឿង បានធ្លាក់ក្នុងសង្កាត់មួយនៅជិតតំបន់ El Cajon កាលពីយប់ថ្ងៃចន្ទ (ពេលវេលានៅអាមេរិក) ដែលបណ្តាលឲ្យមនុស្សស្លាប់ទាំងអស់ ទោះគេមិនទាន់បញ្ជាក់អំពីចំនួនជាក់លាក់ក៏ដោយ។

ហេតុការណ៍​​នេះ ​កើតឡើង​នៅ​វេលា​ម៉ោង​៧​និង​១៥​នាទី​យប់ នៅជិតប្លុកលេខ១,២០០ ក្នុងសង្កាត់ Bostonia។

តំបន់នេះស្ថិតនៅចម្ងាយប៉ុន្មានម៉ាយល៍ប៉ុណ្ណោះ នៃប៉ែកខាងកើតអាកាសយានដ្ឋាន Gillespie Field ជាកន្លែងដែលយន្តហោះត្រូវចុះចត។

មន្ត្រីមកពីអង្គភាពនានា បានធ្វើដំណើរភ្លាមៗទៅកាន់កន្លែងកើតហេតុ ដើម្បីឆ្លើយតបនិងជួយសង្គ្រោះ។

នាយកដ្ឋាន​តម្រួត​បាន​និយាយ​ថា “យើងមិនបានរកឃើញអ្នកនៅរស់រានមានជីវិតឡើយ។ ​ពេល​នេះ យើង​មិន​មាន​ព័ត៌មាន​ថា ​យន្តហោះនេះ​មក​ពី​ណា ឬ​មានមនុស្សប៉ុន្មាន​នាក់​ជិះក្នុង​នោះ​ទេ។ យើងនឹងជូនព័ត៌មានបន្ថែមនាពេលក្រោយ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ ABC7

ចុចអាន៖ អ្នក​ជំនួញ​អាមេរិក​ដែល​ទើប​ទៅ​កាន់​លំហ​អាវកាស​ខែ​មុន​ស្លាប់ដោយ​ធ្លាក់​យន្តហោះ