ព័ត៌មានអន្ដរជាតិ

ដល់ថ្នាក់អាជ្ញាធរថៃហៅគូស្នេហ៍មួយថាជាកំពូលអ្នកចម្លងវីរុស Omicron

បានផុស

៣ years មុន

នៅ

ថ្ងៃព្រហស្បតិ៍ ៣០ ធ្នូ ២០២១

ដោយ

អាជ្ញាធរសុខាភិបាលប្រទេសថៃបានហៅការឆ្លងកូវីដ-១៩ពីគូស្នេហ៍មួយគូនៅខេត្ត Kalasin ភាគខាងជើងប្រទេសថាជា«កំពូលរាលដាលឆ្លង» បន្ទាប់ពីមនុស្សរាប់រយនាក់ក្នុងខេត្តជាច្រើនរកឃើញឆ្លងវីរុសបំប្លែងខ្លួនថ្មី Omicron។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Opas Karnkawinpong អគ្គនាយកនាយកដ្ឋានគ្រប់គ្រងជំងឺឆ្លងបាននិយាយថា ចាប់តាំពីគូស្នេហ៍ថៃមួយគូបានវិលត្រឡប់មកពីប្រទេសបែលហ្ស៊ិកកាលពីថ្ងៃទី១០ ខែធ្នូមក ករណីឆ្លងវីរុសបំប្លែងខ្លួនថ្មី Omicron បានរកឃើញប្រមាណ១២ខេត្ត។

គ្រាន់តែខេត្ត Kalasin មានអ្នកឆ្លងវីរុសនេះ២៤៨នាក់ ខេត្ត Khon Kaen រកឃើញ១៣នាក់ ខេត្ត Roi Et រកឃើញ១០៣នាក់ និងខេត្ត Lamphun រកឃើញ៤នាក់។

លោកវេជ្ជបណ្ឌិត Opas និយាយថា ៖«នេះគឺកំពូលឆ្លងរាលដាល ដោយសារតែគូស្នេហ៍មួយគូបានធ្វើឲ្យឆ្លងទៅអ្នកដទៃរាប់រយនាក់»។ លោកបញ្ជាក់ថា គូស្នេហ៍នោះបានដើរលេងនៅកន្លែងកម្សាន្តជាច្រើនក្នុងខេត្ត Kalasin។

លោកបានបញ្ជាក់ថា ថៃឥឡូវនេះមានអ្នកឆ្លងវីរុសបំប្លែងខ្លួន Omicron ចំនួន៧៤០នាក់ អ្នកដំណើរមកពីក្រៅប្រទេស៤៨៩នាក់ និងឆ្លងក្នុងសហគមន៍២៥១នាក់។ ការឆ្លងដោយវីរុសបំប្លែងខ្លួនថ្មីត្រូវបានរកឃើញដល់៣៣ខេត្តហើយទូទាំងប្រទេស៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ