ព័ត៌មានអន្ដរជាតិ

ថ្ងៃនេះ លោក បៃដិន និងលោក ពូទីន ជួបជជែកគ្នា ចំពេលតានតឹងនៅអ៊ុយក្រែន

បានផុស

៣ years មុន

នៅ

ថ្ងៃព្រហស្បតិ៍ ៣០ ធ្នូ ២០២១

ដោយ

ប្រធានាធិបតីសហរដ្ឋអាមេរិក លោក ចូ បៃដិន និងប្រធានាធិបតីរុស្ស៊ី វ្លាឌីមៀរ ពូទីន នឹងជជែកគ្នានៅថ្ងៃព្រហស្បតិ៍ ទី៣០ ខែធ្នូនេះតាមវីដេអូខល ខណៈទីក្រុងវ៉ាស៊ីនតោនឆ្លើយតបចំពោះការបង្កើនកម្លាំងយោធារបស់រុស្ស៊ីនៅព្រំដែនអ៊ុយក្រែនជាមួយសម្ព័ន្ធមិត្តអឺរ៉ុប។

អ្នកនាំពាក្យក្រុមប្រឹក្សាសន្តិសុខជាតិសេតវិមាន អ្នកស្រី Emily Horne និយាយក្នុងសេចក្តីងថ្លែងការណ៍មួយថា មេដឹកនាំកំពូលទាំងពីរនឹងពិភាក្សាលើប្រធានបទជាច្រើន ដូច្នេះកិច្ចសន្ទនាសន្តិសុខរវាងប្រទេសទាំងពីរ និងស្ថានភាពតានតឹងនៅអឺរ៉ុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ការហៅទូរសព្ទដើម្បីជួបគ្នារវាងមេដឹកនាំទាំងពីរគ្រោងធ្វើយប់ថ្ងៃព្រហស្បតិ៍នេះ ប៉ុន្តែមិនបានបញ្ជាក់លំអិត។

អ្នកស្រី Horne ឲ្យដឹងថា លោក បៃដិន បានជជែកជាមួយមេដឹកនាំទូទាំងតំបន់អឺរ៉ុបអំពីស្ថានភាពនៅព្រំដែនអ៊ុយក្រែន ខណៈមន្ត្រីរដ្ឋាភិបាលលោកប្រធានាធិបតី បៃដិន បានភ្ជាប់ទំនាក់ទំនងជាមួយណាតូ សហភាពអឺរ៉ុប និងអង្គការដើម្បីសន្តិសុខ និងកិច្ចសហប្រតិបត្តិការនៅអឺរ៉ុប។

រដ្ឋាភិបាលទីក្រុងមូស្គូបានធ្វើឲ្យប្រទេសលោកខាងលិចមានការព្រួយបារម្ភជុំវិញការដាក់ពង្រាយកម្លាំងទ័ពរាប់ពាន់នាក់នៅជិតប្រទេសអ៊ុយក្រែនក្នុងរយៈពេល២ខែកន្លងទៅនេះ បន្ទាប់ពីមានការដណ្តើមកាន់កាប់ឧបទ្វីប Crimea របស់អ៊ុយក្រែន និងការគាំទ្ររបស់ខ្លួននៃការបំបែកខ្លួនដោយប្រយុទ្ធជាមួយកម្លាំងទ័ព Kyiv នៅភាគខាងកើតអ៊ុយក្រែន។

ប្រទេសរុស្ស៊ីបានបដិសេធផែនការណាមួយដើម្បីវាយប្រហារអ៊ុយក្រែន និងនិយាយថា ខ្លួនមានសិទ្ធិដាក់កម្លាំងទ័ពទៅកាន់តំបន់ដែលជាទឹកដីរបស់ខ្លួន។

ទីក្រុងមូស្គី ដែលបានព្រួយបារម្ភពីអ្វីដែលនិយាយថាជាការដាក់អាវុធឡើងរបស់លោកខាងលិចលើអ៊ុយក្រែន បាននិយាយថា ខ្លួនចង់បានការធានាស្របច្បាប់ដែលណាតូនឹងមិនពង្រីកឆ្ពោះទៅភាគខាងកើត និងថា គ្រឿងសព្វាវុធវាយប្រហារជាក់លាក់នឹងមិនត្រូវបានដាក់ពង្រាយចូលទៅអ៊ុយក្រែន ឬប្រទេសជិតខាងឡើយ។

យោងតាមមន្ត្រីជាន់ខ្ពស់របស់រដ្ឋាភិបាលអាមេរិកថា សហរដ្ឋអាមេរិកមិនមានអារម្មណ៍ធូរស្បើយទេក្នុងប៉ុន្មានសប្តាហ៍កន្លងទៅនេះ។ មន្ត្រីអាមេរិកផ្សេងទៀតនិយាយថា ទោះជាមានរបាយការណ៍មួយកាលពីចុងសប្តាហ៍កន្លងទៅនេះថា រុស្ស៊ីនឹងដកទ័ព១ម៉ឺននាក់ពីព្រំដែនអ៊ុយក្រែន ក៏ពួកគេឃើញភស្តុតាងតិចប៉ុណ្ណោះចំពោះការអះអាងពីការដកទ័ពនេះ៕

ប្រែសម្រួល៖ វីរបុត្រ
ប្រភព៖ reuters