ព័ត៌មានអន្ដរជាតិ

អង់គ្លេសប្រកាសបង្កើនគ្រែសង្គ្រោះបន្ទាន់សម្រាប់កូវីដ៤០០០ទៀត

បានផុស

៣ years មុន

នៅ

ថ្ងៃព្រហស្បតិ៍ ៣០ ធ្នូ ២០២១

ដោយ

មន្ទីរពេទ្យនៅប្រទេសអង់គ្លេសបានស្នើបង្កើតទីតាំងសម្រាប់ដាក់គ្រែសង្គ្រោះបន្ទាន់ប្រមាណ៤០០០គ្រែទៀតដើម្បីដោះស្រាយនឹងវីរុសបំប្លែងខ្លួន Omicron ដែលបានកំពុងរាតត្បាតខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីឆ្លងកូវីដថ្មីបានជាប់កំណត់ត្រាដល់១៨៣០០០នាក់ ខណៈកាលពីថ្ងៃពុធម្សិលមិញមានអ្នកជំងឺកូវីដជាង១ម៉ឺននាក់បានចូលមន្ទីរពេទ្យ។

សេវាសុខភាពជាតិ (NHS) អង់គ្លេសបានបញ្ជាក់ថា ខ្លួនបានកំពុងបង្កើតទីតាំងលក្ខណៈទំហំតូចៗដែលមួយកន្លែងៗអាចដាក់គ្រែបានប្រមាណ១០០គ្រែនៅតាមមន្ទីរពេទ្យ៨ទូទាំងប្រទេស។

សេវាសុខភាពនិយាយថា ខ្លួនបានស្នើសុំរកកន្លែងទំនេរដែលអាចដាក់គ្រែបានដូចជាកន្លែងហាត់ប្រាណ ឬកន្លែងបង្រៀនជាដើម។ អ្នកគ្រប់គ្រង NHS មានគោលបំណងរៀបចំកន្លែងដែលអាចដាក់គ្រែឲ្យបានដល់៤០០០គ្រែ ដោយសារតម្រូវការកំពុងកើនឡើងដែលអាចចាប់ផ្តើមឲ្យបានសប្តាហ៍នេះ។

វិធីសាស្ត្រថ្មីនឹងស្នើសុំឲ្យបង្កើនសមត្ថភាពដែលជាទីតាំងមន្ទីរពេទ្យនៅផ្ទាល់ដីងាយស្រួលដល់បុគ្គលិកចេញចូល ចុះឡើងធ្វើការពីកន្លែងថ្មី និងកន្លែងចាស់ ហើយស្ថិតនៅជិតនឹងអ្នកជំងឺសង្គ្រោះបន្ទាន់។