បង្ហាញខ្លួនក្នុងខួប ១០ ឆ្នាំដឹកនាំប្រទេស គីម ជុងអ៊ុន រាងស្លីមជាងមុន

រូបថតថ្មីបង្ហាញពីការសម្រកទម្ងន់បន្ថែមទៀតរបស់មេដឹកនាំកូរ៉េខាងជើងលោក គីម ជុងអ៊ុន ។ រូបភាពដែលចេញផ្សាយដោយប្រព័ន្ធផ្សព្វផ្សាយរដ្ឋបង្ហាញថា អ្នកនយោបាយរូបនេះមើលទៅរាងស្លីមជាងមុន ។

ទន្ទឹមនោះ សារព័ត៌មានលោកខាងលិចមួយចំនួនបានអះអាងថា លោក គីម ស្ទើរតែមើលទៅដូចកាលលោកឡើងកាន់អំណាចក្នុងឆ្នាំ ២០១២ បន្ទាប់ពីការស្លាប់របស់ឪពុកលោក គីម ជុងអ៊ីល ។ រូបភាព​នេះ​ត្រូវ​បាន​ថត​ក្នុង​កិច្ច​ប្រជុំ​ពេញអង្គ​នៃ​គណៈកម្មាធិការ​កណ្តាល​របស់គណបក្សពលករ​ដែលកំពុង​កាន់​អំណាច ។

ស្របពេលជាមួយគ្នានេះ ទីភ្នាក់ងារសារព័ត៌មានកូរ៉េ KCNA មិនបានផ្តល់ព័ត៌មានលម្អិតអំពីបញ្ហាដែលបានពិភាក្សាក្នុងអំឡុងពេលព្រឹត្តិការណ៍នេះនោះទេ ប៉ុន្តែវាត្រូវបានគេដឹងថាពាក់ព័ន្ធនឹងការធ្វើសេចក្តីប្រកាសសំខាន់ៗជាប្រវត្តិសាស្ត្រទាំងនៅក្នុងគោលនយោបាយក្នុងស្រុក និងក្រៅប្រទេស ។

គួរបញ្ជាក់ថា កាលពីឆ្នាំមុន មេដឹកនាំកូរ៉េខាងជើងវ័យ ៣០ ឆ្នាំរូបនេះមានទម្ងន់ ១៣៩ គីឡូក្រាម ប៉ុន្តែដោយសារទម្លាប់ពាក់ព័ន្ធនឹងការតមអាហារ និងការមិនទទួលទានគ្រឿងស្រវឹង លោកអាចស្រកបាន ២០ គីឡូក្រាមក្នុងឆ្នាំ ២០២១ ខណៈកន្លងមកប្រព័ន្ធផ្សព្វផ្សាយកូរ៉េខាងត្បូងបានសរសេរថា ការ​សម្រក​ទម្ងន់​យ៉ាង​ខ្លាំងរបស់លោក គីម ​គឺដោយសារ​ជំងឺដំបៅក្រពះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មួយ​ទសវត្សរ៍​របស់ ​កូរ៉េខាងជើង ​ក្រោម​ការ​ដឹកនាំពី គីម ជុងអ៊ុន