ទិដ្ឋភាពកម្រឃើញ! ត្រជាក់ខ្លាំងក្រោមសូន្យអង្សា ទឹកពុះស្រោចភ្លាម កកភ្លាម

នេះគឺជាទិដ្ឋភាពដែលមនុស្សជាច្រើនកម្របានឃើញ នៅពេលទឹកពុះ បានប្រែក្លាយទៅជាកក បន្ទាប់ពីត្រូវបានស្រោចនៅក្នុងសីតុណ្ហភាព ក្រោមសូន្យអង្សាសេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូដែលគេថតនៅទីក្រុង Alberta ប្រទេសកាណាដា បានបង្ហាញពីអ្នកស្រុកម្នាក់ ស្រោចទឹកក្តៅរាងជារង្វង់ឡើងលើក្បាល ដើម្បីសាកល្បងឥទ្ធិពល Mpemba កាលពីថ្ងៃទី២៧ខែធ្នូ។

ទឹកបាន​ប្រែ​ក្លាយទៅ​ជា​ដុំ​ទឹកកក​ភ្លាមៗនៅលើក្បាល។ បន្ទាប់ពីប៉ះខ្យល់ត្រជាក់ ទឹកពុះប្រែទៅជាព្រិល ហើយធ្លាក់មកដី។

ឥទ្ធិពល Mpemba គឺជាទ្រឹស្តីវិទ្យាសាស្ត្រដែលថា វត្ថុរាវក្តៅ អាចបង្កកលឿនជាងវត្ថុរាវដែលត្រជាក់។

វាត្រូវបានដាក់ឈ្មោះតាម Erasto Mpemba មកពីប្រទេស តង់ហ្សានី ដែលបានកត់សម្គាល់ឃើញថា ល្បាយការ៉េមក្តៅ បានកកលឿនជាងត្រជាក់ ក្នុងថ្នាក់រៀនធ្វើម្ហូបអំឡុងឆ្នាំ១៩៦០។

ទិដ្ឋភាពចុងក្រោយបំផុតនេះបានកើតឡើង ក្រោយពេលទីភ្នាក់ងារបរិស្ថានកាណាដា ចេញការព្រមានអំពីភាពត្រជាក់ខ្លាំងសម្រាប់ទីក្រុង Alberta បន្ទាប់ពីការផ្ទុះនៃខ្យល់នៅតំបន់អាក់ទិក បាននាំមកនូវសីតុណ្ហភាពត្រជាក់បំផុតមកដល់តំបន់នេះ។

នៅ Edmonton សីតុណ្ហភាពប្រហែល -៤០អង្សាសេ ត្រូវបានគេរំពឹងថានឹងបន្តក្នុងសប្តាហ៍នេះ ហើយនៅទីក្រុង Calgary ការព្យាករណ៍បច្ចុប្បន្នគឺថា នឹងមានសីតុណ្ហភាពប្រហែល -៤៣អង្សាសេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ភាគខាងជើងវៀតណាម ត្រជាក់ខ្លាំងដល់ ០ អង្សាសេ ថែមទាំងមានព្រិលធ្លាក់