អ៊ីស្រាអែល ចាក់វ៉ាក់សាំងកូវីដដូសទី ៤ ដល់ក្រុមមនុស្ស ២ ប្រភេទ ទោះចាក់ដូសទី ៣ បាន ៤ ខែក៏ដោយ

នាយករដ្ឋមន្ត្រីអ៊ីស្រាអែលលោក Naftali Bennett កាលពីថ្ងៃអាទិត្យបាននិយាយថា ការចាក់វ៉ាក់សាំងការពារកូវីដ ១៩ ដូសទី ៤ នឹងត្រូវធ្វើឡើងសម្រាប់មនុស្សដែលមានអាយុចាប់ពី ៦០ ឆ្នាំឡើងទៅ រួមជាមួយបុគ្គលិកពេទ្យ ដែលចាក់ដូសទី ៣ បានរយៈពេល ៤ ខែ ។

ទន្ទឹមនោះ ការចាក់វ៉ាក់សាំងដូសទី ៤ បានចាប់ផ្តើមរួចទៅហើយកាលពីចុងខែធ្នូសម្រាប់មនុស្សចាស់នៅក្នុងមណ្ឌលថែទាំ និងអ្នកដែលមានភាពស៊ាំនឹងជំងឺ ។

អ៊ីស្រាអែលបានចាប់ផ្តើមចាក់វ៉ាក់សាំងលើកទី ៣ កាលពីខែសីហាឆ្នាំមុន ហើយមនុស្ស ៤.២៥ លាននាក់ ឬ ៤៦ ភាគរយនៃចំនួនប្រជាជនរបស់ខ្លួនត្រូវបានចាក់វ៉ាក់សាំង ។

ប៉ុន្តែនៅក្នុងខែវិច្ឆិកា ប្រទេសនេះបានឃើញថាករណីឆ្លងកូវីដចាប់ផ្តើមកើនឡើងម្តងទៀត ។ ចំនួនករណីឆ្លងថ្មីប្រចាំថ្ងៃបាននៅតែមានប្រហែល ៥,០០០ ករណីក្នុងរយៈពេលប៉ុន្មានថ្ងៃកន្លងមកនេះ ។

ស្របពេលជាមួយគ្នានេះ រដ្ឋាភិបាលកំពុងបង្កើនវិធានការកម្ចាត់មេរោគ ដូចជាទាមទារភស្តុតាងនៃការចាក់វ៉ាក់សាំង ឬលទ្ធផលតេស្តអវិជ្ជមានកូវីដដើម្បីចូលទៅក្នុងភោជនីយដ្ឋាន និងផ្សារទំនើបជាដើម ។

ថ្លែងទៅកាន់អ្នកសារព័ត៌មានលោក Bennett បាននិយាយជាចុងក្រោយថា រដ្ឋាភិបាលកំពុងរក្សាគោលដៅរបស់ខ្លួនក្នុងការរក្សាសេដ្ឋកិច្ចបើកចំហ ខណៈពេលដែលការពារអ្នកដែលងាយរងគ្រោះបំផុតពីការឆ្លងមេរោគ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ធ្លាយរូបថតស្រាតននលគករបស់ Selena Gomez ចេញពី iCloud