ព័ត៌មានអន្ដរជាតិ

រដ្ឋមន្ត្រីការពារជាតិអាមេរិក Austin បានឆ្លងកូវីដ ទោះចាក់វ៉ាក់សាំង៣ដូស

បានផុស

៣ years មុន

នៅ

ថ្ងៃចន្ទ ៣ មករា ២០២២

ដោយ

រដ្ឋមន្ត្រីក្រសួងការពារជាតិអាមេរិក លោក Lloyd Austin ធ្វើតេស្តរកឃើញវិជ្ជមានកូវីដ-១៩ កាលពីថ្ងៃអាទិត្យ ទី២ ខែមករា ដោយមានរោគសញ្ញាស្រាល ប៉ុន្តែលោកនៅរក្សាកិច្ចការទាំងអស់ ស្របពេលលោកធ្វើចត្តាឡីស័កនៅផ្ទះ៥ថ្ងៃ។

ព័ត៌មាននៃការធ្វើតេស្តវិជ្ជមានកូវីដរបស់លោក Austin បានលេចឡើងនៅពេលមន្ទីរបញ្ចកោណកាលពីសប្តាហ៍មុនបានរឹតបន្តឹងនៅទីស្នាក់ការកណ្តាលរបស់ខ្លួនដោយសារកង្វល់កើនឡើងខ្ពស់នៃវីរុសបំប្លែងខ្លួន Omicron។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីប្រកាសកាលពីយប់ថ្ងៃអាទិត្យ លោក Austin បាននិយាយថា លោកគ្រោងចូលរួមកិច្ចប្រជុំ និងពិភាក្សាសំខាន់ៗតាមអនឡាញនាសប្តាហ៍នេះដើម្បីឲ្យការងារបន្តដំណើរការ។

លោក Austin បាននិយាយថា ៖«ខ្ញុំបានជម្រាមក្រុមថ្នាក់ដឹកនាំអំពីការធ្វើតេស្តរកឃើញវិជ្ជមានរបស់ខ្ញុំ ព្រមទាំងលោកប្រធានាធិបតី។ បុគ្គលិករបស់ខ្ញុំបានចាប់ផ្តើមតាមដាន និងធ្វើតេស្តខ្លួនឯងដែលបានទំនាក់ទំនងជាមួយខ្ញុំកាលពីសប្តាហ៍មុន»។

ក្នុងសេចក្តីប្រកាស លោក Austin បានជួបលោកប្រធានាធិបតី ចូ បៃដិន កាលពីថ្ងៃទី២១ ខែធ្នូ មួយសប្តាហ៍មុនពេលលោកកើតមានរោគសញ្ញា។ លោកអាយុ៦៨ឆ្នាំបានចាក់វ៉ាក់សាំងពេញដូស និងដូសបន្ថែមកាលពីខែតុលារួចរាល់ហើយ៕

ប្រែសម្រួល៖ វីរបុត្រ
ប្រភព៖ CBC

Related Topics:សហរដ្ឋអាមេរិក