លោក Duterte ៖ “ខ្ញុំគ្មានថ្ងៃសុំទោស ចំពោះការស្លាប់ក្នុងសង្គ្រាមគ្រឿងញៀនឡើយ”

ប្រធានាធិបតីហ្វីលីពីនលោក Rodrigo Duterte បាននិយាយកាលពីថ្ងៃអង្គារទី៤ខែមករាថា លោកនឹងមិនសុំទោសឡើយ ចំពោះការស្លាប់របស់អ្នកប្រើប្រាស់គ្រឿងញៀន និងអ្នកជួញដូរដែលត្រូវបានសម្លាប់នៅក្នុងប្រតិបត្តិការប៉ូលិស ក្រោមសង្គ្រាមលើគ្រឿងញៀនរបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យរបស់រដ្ឋាភិបាលបង្ហាញថា ជនសង្ស័យគ្រឿងញៀនជាង ៦,២០០ នាក់បានស្លាប់នៅក្នុងប្រតិបត្តិការប្រឆាំងគ្រឿងញៀន ចាប់តាំងពីលោក Duterte ចូលកាន់តំណែងក្នុងខែមិថុនា ឆ្នាំ ២០១៦ ដល់ខែវិច្ឆិកាឆ្នាំ ២០២១។

លោក Duterte បាននិយាយនៅក្នុងសុន្ទរកថាប្រចាំសប្តាហ៍ថា “ខ្ញុំគ្មានថ្ងៃសុំទោសចំពោះការស្លាប់ទាំងនោះឡើយ។ ទោះសម្លាប់ខ្ញុំ ដាក់គុកខ្ញុំ ខ្ញុំក៏មិនសុំទោសដែរ”។

ស្របពេលជាមួយគ្នានោះ លោក Duterte បានប្តេជ្ញាការពារមន្ត្រីអនុវត្តច្បាប់ដែលបំពេញកាតព្វកិច្ច ដោយប្រាប់ពួកគេឲ្យតដៃ នៅពេលជីវិតរបស់ពួកគេស្ថិតក្នុងគ្រោះថ្នាក់។

ក្រុមសិទ្ធិមនុស្ស និងអ្នករិះគន់និយាយថា មន្ត្រីអនុវត្តច្បាប់បានប្រហារជីវិតជនសង្ស័យគ្រឿងញៀន ប៉ុន្តែប៉ូលិសនិយាយថា អ្នកដែលត្រូវបានសម្លាប់គឺជាជនប្រដាប់អាវុធ ដែលបានប្រើហិង្សា ប្រឆាំងការចាប់ខ្លួន៕

ប្រែសម្រួល៖ Vann Vann

ប្រភព៖ CNA

ចុចអាន៖ លោក Duterte ចាប់ផ្តើមសង្ស័យអំពីការសម្លាប់ក្រៅប្រព័ន្ធតុលាការក្នុងសង្គ្រាមគ្រឿងញៀនរបស់គាត់