ព័ត៌មានអន្ដរជាតិ
វេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត
ការសិក្សាពីវេជ្ជបណ្ឌិតជំនាញរកឃើញថា ៦ សប្តាហ៍បន្ទាប់ពីធ្វើរោគវិនិច្ឆ័យ ៣៣ % នៃអ្នកជំងឺនៅតែមានអាការៈអស់កម្លាំង បាត់បង់ក្លិន មិនដឹងរសជាតិ ថប់ដង្ហើម និងក្អក។
ក្រុមគ្រូពេទ្យមកពីមន្ទីរពេទ្យទីក្រុងហ្សឺណែវ ប្រទេសស្វីស បានរកឃើញថា រោគសញ្ញាមួយចំនួនដែលបង្កពីវីរុសកូវីដ-១៩ អាចមានរយៈពេលច្រើនជាង ៦ សប្តាហ៍ សូម្បីតែអ្នកជំងឺដែលមិនមានកត្តាហានិភ័យសុខភាពខ្ពស់ក៏ដោយ។
នេះជាលទ្ធផលរបស់ក្រុមគ្រូពេទ្យនិងអ្នកជំនាញខាងរោគរាតត្បាតមកពីសាកលវិទ្យាល័យហ្សឺណែវ (UNIGE) មន្ទីរពេទ្យសាកលវិទ្យាល័យហ្សឺណែវ (HUG) និងអគ្គនាយកសុខាភិបាលទូទៅនៃហ្សឺណែវបានសិក្សាស្រាវជ្រាវ។
ពួកគេបានតាមដានមនុស្សជិត ៧០០ នាក់ ដែលធ្វើតេស្តវិជ្ជមានវីរុស COVID-19 ប៉ុន្តែជាក្រុមអ្នកជំងឺដែលមិនសម្រាកព្យាបាលនៅមន្ទីរពេទ្យ។
ប្រាំមួយសប្តាហ៍បន្ទាប់ពីធ្វើរោគវិនិច្ឆ័យ ៣៣% នៃពួកគេឆ្លើយថា ខ្លួននៅតែហត់ខ្លាំង បាត់បង់ក្លិន មិនដឹងរសជាតិ ថប់ដង្ហើម និងក្អក។
ការសិក្សានេះបានអនុវត្តទៅលើមនុស្សអាយុមធ្យម ៤៣ ឆ្នាំ ដោយមានស្ត្រី ៦០% អ្នកថែទាំសុខភាព ២៥% និង ៦៩% ដែលមិនមានកត្តាហានិភ័យខ្ពស់។ អ្នកចូលរួមជិត១ភាគ៣នៅតែមានរោគសញ្ញាមួយឬច្រើនទាក់ទងនឹងជំងឺកូវីដ-១៩ ដែលអ្នកអស់កម្លាំងមាន ១៤% បាត់បង់រសជាតិឬក្លិន ១២% និងថប់ដង្ហើម ៩%។ ឯ ៦% ទៀតនៅតែក្អកជាប់រហូត ហើយ ៣% នៃពួកគេរាយការណ៍ថា បន្តឈឺក្បាល។
យ៉ាងណាមិញ ក្រោយការសិក្សានេះ សាកលវិទ្យាល័យហ្សឺណែវថ្លែងនៅក្នុងសេចក្តីប្រកាសព័ត៌មានថា ចាប់តាំងពីការបង្ហាញខ្លួនរបស់កូវីដ-១៩ នាចុងឆ្នាំ ២០១៩ រោគសញ្ញាខ្លះពុំដូចគ្នានោះទេ ដោយវាអាស្រ័យលើអ្នកជំងឺផងដែរ។ ប៉ុន្តែអ្នកដែលមានអាការៈរោគរហូតដល់ ៦ សប្ដាហ៍ជាក្រុមអ្នកឆ្លងដោយផ្ទាល់ពីអ្នកជំងឺ និងគ្រូពេទ្យថែទាំសុខភាព៕
ប្រែសម្រួល៖ សន្យា
ប្រភព៖ Anadolu
ចុចអាន៖ លោក Biden ប្តេជ្ញាចាក់វ៉ាក់សាំងកូវីដដល់ប្រជាជន១០០លាននាក់នៅ១០០ថ្ងៃដំបូងនៃការកាន់តំណែង
ចុចអាន៖ លម្អិតអំពីវ៉ាក់សាំងធំៗទាំង៤ដែលជាក្តីសង្ឃឹមរបស់ពិភពលោក យកឈ្នះជំងឺកូវីដ១៩
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)