ព័ត៌មានអន្ដរជាតិ

អ៉ីស្រាអែលរកឃើញ ការចាក់វ៉ាក់សាំងដូសទី៤បង្កើនអង់ទីគ័រខ្លាំងដល់៥ដង

បានផុស

៣ years មុន

នៅ

ថ្ងៃពុធ ៥ មករា ២០២២

ដោយ

ការចាក់វ៉ាក់សាំងបង្ការកូវីដ-១៩ដូសទី៤បានបង្កើនអង់ទីគ័ររហូតដល់៥ដងក្នុងរយៈពេលត្រឹមមួយសប្តាហ៍ បន្ទាប់ពីចាក់។ នេះបើតាមការឲ្យដឹងពីលោក Naftali Bennett នាយករដ្ឋមន្ត្រីអ៉ីស្រាអែលកាលពីថ្ងៃទី៤ ខែមករា ដោយសំអាងទៅការសិក្សាបឋមថ្មីមួយ។

លោក Naftali Bennett នាយករដ្ឋមន្ត្រីអ៉ីស្រាអែល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Bennett បាននិយាយនៅឯមណ្ឌលវេជ្ជសាស្ត្រ Sheba សម្រាប់ការធ្វើតេស្តចំពោះបុគ្គលិករបស់ខ្លួនប្រឆាំងនឹងវីរុសបំប្លែងខ្លួនថ្មី Omicron ថា ៖«ក្នុងមួយសប្តាហ៍ ពីការចាក់ដូសទី៤ យើងដឹងថា មានកម្រិតខ្ពស់ជាក់លាក់ដែលមានសុវត្ថិភាព»។

«យើងដឹងថា មួយសប្តាហ៍ បន្ទាប់ពីចាក់ដូសទី៤ យើងឃើញកើនឡើង៥ដងនៅក្នុងចំនួនអង់ទីគ័រពីបុគ្គលដែលបានចាក់វ៉ាក់សាំង»។ លោកនាយករដ្ឋមន្ត្រីបានរៀបរាប់ និងបន្ថែមថា ៖«នេះទំនងជាមានន័យថា វាកើនឡើងខ្លាំងបំផុតការពារមិនឲ្យឆ្លង មិនឈឺចូលមន្ទីរពេទ្យ និងមិនធ្ងន់ធ្ងរ»។

ប្រទេសអ៉ីស្រាអែលបានដើរតួនាទីឈានមុខគេក្នុងការសិក្សាស្រាវជ្រាវពីប្រសិទ្ធភាព និងផលប៉ះពាល់របស់វ៉ាក់សាំង ហើយជាប្រទេសដែលបានដំណើរការចាក់វ៉ាក់សាំងពេញដូសដល់ប្រជាជនស្ទើរទាំងអស់មុនគេតាំងពីមួយឆ្នាំមុនម្ល៉េះ ព្រមទាំងចាក់ដូសទី៣ និងកំពុងដំណើរការចាក់ដូសទី៤៕

ប្រែសម្រួល៖ វីរបុត្រ
ប្រភព៖ reuters