ព័ត៌មានអន្ដរជាតិ

កំពុងតានតឹង តៃវ៉ាន់ធ្វើសមយុទ្ធស្ទាក់ចាប់យន្តហោះចិន

បានផុស

៣ years មុន

នៅ

ថ្ងៃព្រហស្បតិ៍ ៦ មករា ២០២២

ដោយ

កងទ័ពជើងអាកាសកោះតៃវ៉ាន់បានបន្លឺសម្រែងទៅលើអាកាសកងរំពងកាលពីថ្ងៃពុធម្សិលមិញក្នុងសមយុទ្ធសេណារីយ៉ូសង្គ្រាមមួយ ដែលបង្ហាញពីការត្រៀមខ្លួនរួចរាល់ចំពេលមានតានតឹងផ្នែកយោធាជាមួយប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលចាប់ផ្តើមហោះហើរសមយុទ្ធ ក្រុមទ័ពអាកាសនៅមូលដ្ឋានភាគខាងត្បូងទីក្រុង Chiayi ដែលជាកន្លែងយន្តហោះចម្បាំង F-16 ផលិតដោយអាមេរិកឧស្សាហ៍ព្យាយាមស្ទាក់ចាប់យន្តហោះចម្បាំងចិនបានប្រញាប់ទៅរកយន្តហោះដែលត្រៀមរួចជាស្រេចជាមួយនឹងសំឡេងបន្លឺឡើងកងរំពង។

ការធ្វើសមយុទ្ធដែលមានរយៈពេល៣ថ្ងៃនេះដើម្បីបង្ហាញថា កោះតៃវ៉ាន់បានត្រៀមខ្លួនរួចរាល់ដើម្បីឧបទ្ទវហេតុប្រយុទ្ធណាមួយមុនថ្ងៃចូលឆ្នាំថ្មីប្រពៃណីចិនចូលមកដល់នាចុងខែមករាខាងមុខនេះ។

ភាពតានតឹងនៅទូទាំងច្រកសមុទ្រតៃវ៉ាន់ដ៏រសើបបាន និងកំពុងកើនឡើងខ្លាំងក្នុងពេលប៉ុន្មានឆ្នាំចុងក្រោយនេះដោយតៃវ៉ាន់បានត្អួញត្អែរជារឿយៗអំពីបេសកកម្មរបស់កងទ័ពជើងអាកាសចិននៅជិតកោះប្រជាធិបតេយ្យរបស់ខ្លួន។

យន្តហោះយោធាចិនជាញឹកញាប់ហោះហើរចូលទៅក្នុងផ្នែកភាគនិរតីនៃតំបន់កំណត់អត្តសញ្ញាណការពារដែនអាកាស (ADIZ) ជុំវិញកោះដែលតៃវ៉ាន់ត្រួតពិនិត្យ និងល្បាត។

លោកឧត្តមសេនីយ៍ Yen Hsiang-sheng បានប្រាប់អ្នកកាសែតថា ៖«ជាមួយនឹងប្រេកង់ខ្ពស់នៃយន្តហោះកុម្មុយនិស្តចិនចូលដែនអាកាសរបស់យើង អ្នកបើកយន្តហោះរបស់យើងមានបទពិសោធច្រើន និងធ្លាប់ដោះស្រាយបញ្ហាយន្តហោះបែបនេះច្រើនណាស់»។

តៃវ៉ាន់បានកំណត់សកម្មភាពរបស់ចិនថាជាសង្គ្រាម«តំបន់ផេះ»ដែលត្រូវបានធ្វើឡើងដើម្បីបំបាក់កម្លាំងរបស់តៃវ៉ាន់ដោយធ្វើឲ្យពួកគេច្របូកច្របល់ម្តងៗហើយម្តងទៀត និងក៏បានសាកល្បងឆ្លើយតបវិញដែរ៕

ប្រែសម្រួល៖ វីរបុត្រ
ប្រភព៖ Reuters