ព័ត៌មានអន្ដរជាតិ

បុរសវៀតណាមម្នាក់ពូកែប្រើ Facebook លួចលុយគេបានជិតកន្លះលានដុល្លារ

បានផុស

៣ years មុន

នៅ

ថ្ងៃព្រហស្បតិ៍ ៦ មករា ២០២២

ដោយ

បុរសម្នាក់នៅខេត្ត Dak Lak ប្រទេសវៀតណាមត្រូវបានចាប់ខ្លួនថ្ងៃពុធម្សិលមិញ បន្ទាប់ពីលួចចូលគណនី Facebook របស់អ្នកដទៃជាង៤០០ ហើយបានលួចយកប្រាក់ប្រមាណ ៤៣៨ ៦៥៧ដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសឈ្មោះ Pham Vu Quang Truong អាយុ២០ឆ្នាំត្រូវបានប៉ូលិសចាប់ខ្លួននៅខេត្ត Dak Lak ដើម្បីធ្វើការស៊ើបអង្កេតពីបទឆបោកទ្រព្យសម្បត្តិអ្នកដទៃ។ ការឆែកឆេរលំនៅដ្ឋានរបស់ Truong រកឃើញប្រាក់សុទ្ធ៦០០លានដុង ម៉ាស៊ីន ATM ៩គ្រឿង ទូរសព្ទ និងកុំព្យួទ័រជាច្រើនគ្រឿង ព្រមទាំងសម្ភារៈផ្សេងៗទៀត។

កាលពីខែតុលា ឆ្នាំ២០២១ ប៉ូលិសទទួលបានពាក្យបណ្តឹងពីស្ត្រីម្នាក់នៅស្រុក Ea Kar ដោយបាននិយាយថា នាងបានទទួលសារពីគណនី Facebook របស់សាច់ញាតិម្នាក់ដើម្បីស្នើសុំលុយ។ នាងបានផ្ញើចំនួន៣០លានដុង ប៉ុន្តែក្រោយមកទើបដឹងថា នាងត្រូវបានគេឆបោកយកប្រាក់។

តាមការស៊ើបអង្កេតមួយបុរសឈ្មោះ Truong ពិតជាបានប្រព្រឹត្តជាច្រើនហើយត្រូវបានចាប់ខ្លួន។ រូបគេបានសារភាពថា បានរៀនអ៉ីនធឺណេតអំពីសេវារបស់ Facebook ជាច្រើនដូចជារបៀបផ្សាយពាណិជ្ជកម្ម ឬការសង្គ្រោះគណនីពេលភ្លេចលេខកូដ ឬក៏ខូចគណនីជាដើម។

Truong ទទួលបានអតិថិជនជាបន្តបន្ទាប់ដែលត្រូវការសេវាទាំងនោះ ប៉ុន្តែរូបគេឆ្លៀតឱកាសលួចយកព័ត៌មានផ្ទាល់ខ្លួនរបស់អតិថិជនដើម្បីបានចូលគណនី Facebook របស់អតិថិជន។ បន្ទាប់មករូបគេបានលួចយកប្រាក់របស់អតិថិជនជាបន្តបន្ទាប់។

ប៉ូលិសបាននិយាយថា Truong បានលួចចូលគណនី Facebook ជាង៤០០ ហើយបានលួចយកប្រាក់ពីមនុស្សជាង៤០០នាក់៕

ប្រែសម្រួល៖ វីរបុត្រ
ប្រភព៖ vnexpress

Related Topics:ប្រទេសវៀតណាម