ព័ត៌មានអន្ដរជាតិ
ចិន បើកព្រំដែនខ្លះវិញជាមួយ វៀតណាម ដើម្បីសម្រួលការកកស្ទះទំនិញ
ប្រទេសចិនបានប្រកាសបើកឡើងវិញនូវច្រកព្រំដែន Pingmeng ជាមួយច្រកព្រំដែន Soc Giang ក្នុងខេត្ត Cao Bang របស់វៀតណាមកាលពីថ្ងៃទី ៧ ខែមករា ខណៈច្រកទ្វារព្រំដែន Tra Linh របស់វៀតណាម និងច្រកទ្វារ Longbang របស់ចិនក៏ត្រូវបានបើកឡើងវិញផងដែរ ។

នាយកដ្ឋានទីផ្សារអាស៊ី-អាហ្វ្រិកនៃក្រសួងឧស្សាហកម្ម និងពាណិជ្ជកម្មវៀតណាមបាននិយាយថា ច្រកទ្វារព្រំដែនត្រូវបានបើកឡើងវិញត្រឹមតែមួយថ្ងៃ បន្ទាប់ពីកិច្ចប្រជុំលើកដំបូងនៃក្រុមការងារស្តីពីការសម្រួលពាណិជ្ជកម្មវៀតណាម-ចិន ។
កាលពីថ្ងៃទី ២៩ ខែធ្នូ ឆ្នាំ ២០២១ រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម លោក Nguyen Hong Dien បានផ្ញើលិខិតមួយច្បាប់ទៅកាន់លេខាគណៈកម្មាធិការតំបន់ស្វយ័ត Guangxi Zhuang នៃបក្សកុម្មុយនិស្តចិនគឺលោក Liu Ning ដើម្បីពិភាក្សាអំពីការបោសសម្អាតគយ និងវិធានការដោះស្រាយការកកស្ទះទំនិញនៅច្រកព្រំដែន ។

នៅក្នុងលិខិតនោះ លោករដ្ឋមន្ត្រីបានស្នើឲ្យភាគីចិនយល់ឃើញជារួម ដែលថ្នាក់ដឹកនាំជាន់ខ្ពស់នៃប្រទេសទាំងពីរសម្រេចបាននូវការពង្រីកពាណិជ្ជកម្មទ្វេភាគី និងការថែរក្សាខ្សែសង្វាក់ផ្គត់ផ្គង់ ។
ទន្ទឹមនោះ លោកក៏បានស្នើឲ្យតំបន់ព្រំដែន Guangxi និងវៀតណាមសហការគ្នាដោះស្រាយការកកស្ទះទំនិញផងដែរ ។

ចំណែកភាគីតំបន់ Guangxi បាននិយាយថា ខ្លួនបានវាយតម្លៃលើការការពារ និងគ្រប់គ្រងជំងឺកូវីដ ១៩ នៅច្រកព្រំដែនជាមួយប្រទេសវៀតណាម ដោយកត់សម្គាល់ថា ច្រកទ្វារផ្សេងទៀតនឹងត្រូវបានស្ដារឡើងវិញជាបណ្តើរៗដោយផ្អែកលើស្ថានភាពជំងឺរាតត្បាតចុងក្រោយបង្អស់ ៕
ប្រែសម្រួលដោយ ៖ ជីវ័ន្ត
ប្រភព ៖ Vietnam Plus
ចុចអាន ៖ ចិន បង្វែរការនាំចូល និងនាំចេញទំនិញរាប់រយប្រភេទតាមផ្លូវរថភ្លើង ចិន-ឡាវ វិញ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី