ចិន ជោគជ័យក្នុងការ សាកល្បងព្រះអាទិត្យសិប្បនិម្មិត ដើម្បីផលិតថាមពល (មានវីដេអូ)

ក្រុមអ្នកវិទ្យាសាស្ត្រនៅក្នុងប្រទេសចិន បានធ្វើការសាកល្បងដោយជោគជ័យលើឧបករណ៍បំប្លែងនុយក្លេអ៊ែរ ដែលអាចផលិតថាមពលស្អាតគ្មានដែនកំណត់នៅថ្ងៃណាមួយ ហើយផលិតកម្តៅបានច្រើនជាងព្រះអាទិត្យមែនទែនទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧបករណ៍នេះដំណើរការនៅកម្រិត ៧០លានដឺក្រេ ពោលគឺក្តៅជាងព្រះអាទិត្យពិតរហូតដល់ទៅ៧ដងឯណោះ។

ដោយមានមូលដ្ឋាននៅទីក្រុងសៀងហៃ ម៉ាស៊ីន Experimental Advanced Superconducting Tokamak (EAST) បានដំណើរការក្នុងរយៈពេលប្រហែល១៧នាទី និង៣៥វិនាទី នៅក្នុងការសាកល្បងចុងក្រោយរបស់វា។ នេះស្ទើរតែបំបែកកំណត់ត្រាពិភពលោកកាលពីមុនរបស់ខ្លួនគឺ១២០លានដឺក្រេ ដែលត្រូវបានកំណត់ជាលើកដំបូងកាលពីឆ្នាំមុនទៅហើយ។

ម៉ាស៊ីន EAST ត្រូវបានគេហៅថា ព្រះអាទិត្យសិប្បនិម្មិត ព្រោះវាប្រើបច្ចេកទេសស្រដៀងគ្នា ដើម្បីផលិតកម្តៅ ដូចជាគ្រាប់បាល់នៃឧស្ម័ន និងប្លាស្មា ដែលឆេះនៅលើមេឃ។

ការបំប្លែងនុយក្លេអ៊ែរប្រកបដោយជោគជ័យនេះ គឺជាគោលដៅយូរអង្វែងរបស់អ្នករូបវិទ្យា និងវិស្វករនុយក្លេអ៊ែរ។

គម្រោង EAST ដែលចិន​បាន​ចំណាយ​ប្រាក់​​ប្រហែល៧០១លាន​ផោន កំពុង​​ធ្វើ​ការ​ដោយ​អ្នក​វិទ្យាសាស្ត្រ​ជាង១០,០០០នាក់។ នេះ​ក៏​ព្រោះ​តែ​ការ​បំប្លែង​នុយក្លេអ៊ែរ ​អាច​ជា​ចម្លើយ​ដើម្បីបំពេញតម្រូវការថាមពល​របស់​មនុស្សជាតិ នាពេលអនាគត។

ទោះបីជាយ៉ាងណាក៏ដោយ ព្រះអាទិត្យសិប្បនិម្មិតនេះ ​មិន​បង្កើត​កាកសំណល់​គ្រោះថ្នាក់​ដូច​​ស្ថានីយ​ថាមពល​នុយក្លេអ៊ែរ​បច្ចុប្បន្ន​ដែរ ហើយវាមិនបង្កឲ្យមានគ្រោះមហន្តរាយនុយក្លេអ៊ែរដូច Chernobyl ឬ Fukushima ទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Star

ចុចអាន៖ ចិន ប្រកាសបន្តធ្វើទំនើបកម្ម ឃ្លាំងអាវុធនុយក្លេអ៊ែរ