ព័ត៌មានអន្ដរជាតិ

មីយ៉ានម៉ា ចាប់ខ្លួន និងកាត់ទោសព្រះសង្ឃល្បីឈ្មោះមួយអង្គ បន្ទាប់ពី Live ធ្វើពិធីកាត់នំខួបកំណើត

បានផុស

៣ years មុន

នៅ

ថ្ងៃចន្ទ ១០ មករា ២០២២

ដោយ

មីយ៉ាន់ម៉ាបានចាប់ខ្លួន និងកាត់ទោសអតីតព្រះសង្ឃដ៏ល្បីឈ្មោះមួយអង្គនៅទីក្រុង Mandalay បន្ទាប់ពី Live តាមហ្វេសប៊ុកអំពីការប្រារព្ធពិធីខួបកំណើត ហើយត្រូវបានចោទប្រកាន់ពីបទមើលងាយវិស័យសាសនា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេហទំព័រព័ត៌មានកងទ័ពមីយ៉ាន់ម៉ាបានរាយការណ៍ពីការចាប់ខ្លួនសង្ឃ U Sawana អាយុ ៤០ ឆ្នាំជាព្រះសង្ឃល្បីឈ្មោះនៅវត្ត Payi To Ta ទីក្រុង Mandalay ក្រោមបទចោទប្រកាន់ពីបទមិនគោរពតាមវិន័យព្រះសង្ឃ និងបង្កើតភាពអាប់ឱនដល់ព្រះពុទ្ធសាសនា ។

ចំណែកមូលហេតុនៃការចាប់ខ្លួននេះបានកើតឡើង ដោយសារតែនៅថ្ងៃទី ១ ខែមករា ឆ្នាំ ២០២២ សង្ឃ U Sawana បាន Live ការប្រារព្ធពិធីខួបកំណើតតាមរយៈគណនី Facebook របស់គាត់ឈ្មោះ Ashin Zawana ដែលធ្វើឡើងនៅក្នុងភូមិគ្រឹះដ៏ធំមួយក្នុងស្រុក Shanmee Ta Si នៅទីក្រុង Mandalay និងបានរកឃើញអាកប្បកិរិយាមិនសមរម្យមួយចំនួនដូចជាការទទួលទានគ្រឿងស្រវឹងក្នុងពិធីខួបកំណើត និងមានសកម្មភាពកម្សាន្តផ្សេងទៀតលើសពីបព្វជិត ។

ទន្ទឹមនោះ នៅលើគណនីហ្វេសប៊ុករបស់សង្ឃ U Sawana ក៏មានរូបភាពមួយចំនួនបង្ហាញពីអាកប្បកិរិយា ក៏ដូចជាសម្ភារៈប្រើប្រាស់ប្រេនៗ និងទំនិញថ្លៃៗជាច្រើនដូចជាស្បែកជើង វ៉ែនតា កាបូបដៃ ព្រមទាំងការបង្ហោះទាក់ទងនឹងការលេងល្បែងភ្នាល់តាមអនឡាញ និងការភ្នាល់បាល់ទាត់ផងដែរ ។

លើសពីនេះទៅទៀតគេក៏បានរកឃើញថា សង្ឃ U Sawana ធ្លាប់បានបង្ហោះសារប្រឆាំងនឹងរដ្ឋប្រហារថ្ងៃទី ១ ខែកុម្ភៈ របស់កងទ័ពមីយ៉ាន់ម៉ា និងបង្ហោះគាំទ្រដល់ដំណើរការមិនគោរពច្បាប់ស៊ីវិល ដោយអំពាវនាវឲ្យមន្ត្រីរដ្ឋាភិបាលធ្វើកូដកម្មថែមទៀតផង ៕