Connect with us

ព័ត៌មានអន្ដរជាតិ

វៀតណាម លែងបន្តទិដ្ឋាការសម្រាប់ជនបរទេសជាប់គាំងក្នុងប្រទេស

បានផុស

នៅ

នាយកដ្ឋានអន្តោប្រវេសន៍វៀតណាមបាននិយាយថា ការពន្យារទិដ្ឋាការដោយស្វ័យប្រវត្តិសម្រាប់ជនបរទេសដែលជាប់គាំងក្នុងប្រទេសវៀតណាម ដោយសារជំងឺកូវីដ ១៩ នឹងបញ្ចប់នៅថ្ងៃសៅរ៍នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានបានពន្យល់នៅក្នុងសេចក្តីថ្លែងការណ៍មួយថា ការលែងបន្តទិដ្ឋការសម្រាប់ជនបរទេសធ្វើឡើង បន្ទាប់ពីប្រទេសវៀតណាមបានចាប់ផ្តើមដំណើរការជើងហោះហើរពាណិជ្ជកម្មធម្មតាឡើងវិញជាបណ្តើរៗហើយ ។

ជនបរទេសដែលបានចូលប្រទេសវៀតណាមដោយមានវិញ្ញាបនបត្រលើកលែងទិដ្ឋាការ ទិដ្ឋាការអេឡិចត្រូនិក ឬទិដ្ឋាការទេសចរណ៍ត្រូវបានបន្តការស្នាក់នៅដោយស្វ័យប្រវត្តិ ចាប់ពីថ្ងៃទី ១ ខែមីនា ឆ្នាំ ២០២០ ដោយសារពួកគេមិនអាចចាកចេញពីវៀតណាម បន្ទាប់ពីប្រទេសនេះបិទព្រំដែន ។

ទន្ទឹមនោះ ក្នុងប៉ុន្មានថ្ងៃថ្មីៗនេះ ស្ថានទូតបរទេសក្នុងប្រទេសវៀតណាមក៏បានជំរុញឲ្យពលរដ្ឋពិនិត្យមើលស្ថានភាពទិដ្ឋាការរបស់ពួកគេ ហើយចាកចេញពីប្រទេសវៀតណាមប្រសិនបើចាំបាច់ ដើម្បីចៀសវាងការស្នាក់នៅច្រើនពេក ។

គួរបញ្ជាក់ថា វៀតណាមបានផ្អាកជើងហោះហើរអន្តរជាតិទាំងអស់កាលពីខែមីនា ឆ្នាំ ២០២០ ទើបតែនៅថ្ងៃទី ១ ខែមករា ឆ្នាំនេះ ជើងហោះហើរធម្មតាបានបើកឡើងវិញជាមួយទីក្រុងបាងកក ភ្នំពេញ សាន់ហ្វ្រាន់ស៊ីស្កូ សេអ៊ូល សិង្ហបុរី តៃប៉ិ តូក្យូ និងវៀងច័ន្ទ ៕

ប្រែសម្រួលដោយ ៖ ជីវ័ន្ត

ប្រភព ៖ VN Express

ចុចអាន ៖ ចិន បើកព្រំដែនខ្លះវិញជាមួយ វៀតណាម ដើម្បីសម្រួលការកកស្ទះទំនិញ

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម