ព័ត៌មានអន្ដរជាតិ

ថៃ រកឃើញ “កប៉ាល់ខ្មោច” មួយគ្រឿងអណ្ដែតចូលដែនទឹកខ្លួន (មានវីដេអូ)

បានផុស

៣ years មុន

នៅ

ថ្ងៃអង្គារ ១១ មករា ២០២២

ដោយ

កប៉ាល់ដឹកទំនិញដែលគេបោះបង់ចោល ឬ “កប៉ាល់ខ្មោច” មួយគ្រឿងត្រូវបានគេរកឃើញនៅក្នុងដែនទឹកភាគខាងត្បូងនៃឈូងសមុទ្រថៃ ក្បែរឆ្នេរខេត្ត Nakhon Si Thammarat កាលពីយប់ថ្ងៃសៅរ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កប៉ាល់ដឹកទំនិញចិនដែលគេបោះបង់ចោលនោះត្រូវបានប្រទះឃើញដោយបុគ្គលិកធ្វើការនៅកន្លែងខួងយកប្រេងនៅឈូងសមុទ្រ ហើយគ្មាននរណាម្នាក់នៅលើនាវានោះទេ ។

បុគ្គលិកនៅស្ថានីយ៍ខួង Chevron បានរាយការណ៍អំពីកប៉ាល់នេះទៅកាន់ទីបញ្ជាការតំបន់កងទ័ពជើងទឹកទី ២ ក្នុងខេត្ត Songkhla ភាគខាងត្បូង ។ អាជ្ញាធរបានចាប់ផ្ដើមធ្វើការស៊ើបអង្កេតភ្លាមៗ ហើយបានបញ្ជូនយន្តហោះគ្មានមនុស្សបើកដើម្បីរកមើលថាតើពួកគេអាចអូសកប៉ាល់ទៅចតនៅទន្លេ Pak Nam Tapi ក្នុងស្រុក Muang នៃខេត្ត Surat Thani ដែរឬទេ ។

ទោះបីជាកងទ័ពជើងទឹកព្យាយាមទាញកប៉ាល់ចេញពីសមុទ្រក៏ដោយ ប៉ុន្តែវាត្រូវបានខូចខាតយ៉ាងធ្ងន់ធ្ងរទៅហើយ ហើយឧបករណ៍នាវាចរណ៍ភាគច្រើនរួមទាំងយុថ្កាត្រូវបានខូច បន្ទប់ម៉ាស៊ីនត្រូវបានជន់លិច ប៉ុន្តែអាគុយភ្លើងរបស់កប៉ាល់មានថាមពលគ្រប់គ្រាន់សម្រាប់បំភ្លឺភ្លើង ហើយអាជ្ញាធរត្រូវបូមទឹកប្រហែលពាក់កណ្ដាលចេញពីកប៉ាល់នោះ ។

ចំណែកប្រភពមួយប្រាប់កាសែតបាងកកប៉ុស្តិ៍ថា កប៉ាល់នេះប្រហែលជាអណ្តែតចូលក្នុងដែនទឹកថៃ បន្ទាប់ពីធ្វើការនៅប្រទេសវៀតណាម ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Thaiger

ចុចអាន ៖ ថៃ កំពុងផ្ទុះជំងឺមួយទៀត ងាយឆ្លង និងធន់ជាមួយថ្នាំសម្លាប់មេរោគ