ព័ត៌មានអន្ដរជាតិ

លោក ពូទីន អះអាងពីជ័យជម្ម្នះក្នុងការការពារកាហ្សាក់ស្ថានពីការបះបោរ

បានផុស

៣ years មុន

នៅ

ថ្ងៃអង្គារ ១១ មករា ២០២២

ដោយ

ប្រធានាធិបតីរុស្ស៊ី លោក វ្លាឌីមៀរ ពូទីន បានអះអាងពីជ័យជម្នះកាលពីថ្ងៃចន្ទម្សិលមិញក្នុងការការពារប្រទេសកាហ្សាក់ស្ថានពីអ្វីដែលលោកថា ការបះបោរគាំទ្រដោយភេរវកម្មបរទេស និងបានសន្យាជាមួយមេដឹកនាំនៃអតីតរដ្ឋសូវៀតថា សម្ព័ន្ធភាពដឹកនាំដោយទីក្រុងមូស្គូនឹងការពារពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីក្រុងធំបំផុតរបស់កាហ្សាក់ស្ថាន Almaty បានវិលត្រឡប់មកជិតធម្មតាវិញហើយកាលពីថ្ងៃចន្ទ បន្ទាប់ពីចលាចលខ្លាំងជិតមួយសប្តាហ៍ដែលបានក្លាយជាហិង្សាអាក្រក់បំផុតនៅក្នុងប្រទេសដែលមានឯករាជ្យ៣០ឆ្នាំកន្លងទៅ។

លោក ពូទីន បានបញ្ជូនកម្លាំងទាហានឆ័ត្រយោងកាលពីសប្តាហ៍មុនទៅការពារទីតាំងយុទ្ធសាស្ត្រ បន្ទាប់ពីក្រុមតវ៉ាប្រឆាំងរដ្ឋាភិបាលរឹបអូស និងដុតបំផ្លាញអគារ។ មនុស្សរាប់សិបនាក់ត្រូវបានគេជឿថា ត្រូវបានសម្លាប់ក្នុងការប៉ះទង្គិចគ្នារវាងកម្លាំងសន្តិសុខ និងបាតុករនៅតាមទីក្រុងជាច្រើនក្នុងប្រទេស។

ការដាក់កម្លាំងពង្រាយយ៉ាងឆាប់រហ័សរបស់រុស្ស៊ីបានបង្ហាញពីការត្រៀមខ្លួនរួចរាល់របស់វិមានក្រឹមឡាំងដើម្បីប្រើកម្លាំងការពារស្របពេលដែលខ្លួនមានឥទ្ធិពលនៅរដ្ឋអតីតសហភាពសូវៀតមួយនេះ ហើយទីក្រុងមូស្គូក៏ស្ថិតក្នុងការប្រឈមមុខដាក់គ្នាជាមួយប្រទេសលោកខាងលិចជុំវិញកម្លាំងទ័ពរាប់ពាន់នាក់នៅព្រំដែនជិតអ៊ុយក្រែន។

លោក ពូទីន បានប្រាប់កិច្ចប្រជុំសម្ព័ន្ធភាពយោធា CSTO តាមអនឡាញថា កម្លាំងរុស្ស៊ីបានគ្រប់គ្រងដើម្បីការពារចំពោះការបំផ្លាញមូលដ្ឋានរបស់រដ្ឋ។ ការរិចរិលទាំងស្រុងនៃស្ថានភាពផ្ទៃក្នុងនៅកាហ្សាក់ស្ថាន និងរារាំងភេរវករ ឧក្រិដ្ឋជន ចោរលួច និងធាតុឧក្រិដ្ឋកម្មផ្សេងៗទៀត។

លោកថា ៖«ពិតណាស់ យើងយល់ពីព្រឹត្តិការណ៍នៅកាហ្សាក់ស្ថានដែលមិនមែនជាលើកទី១ និងមិនឆ្ងាយពីការប៉ុនប៉ងជ្រៀតជ្រែកចូលកិច្ចការផ្ទៃក្នុងនៃរដ្ឋរបស់យើងពីខាងក្រៅ។ វិធានការត្រូវបានអនុវត្តដោយ CSTO បង្ហាញយ៉ាងច្បាស់ថា យើងនឹងមិនអនុញ្ញាតឲ្យស្ថានភាពត្រូវបានគេបង្កនៅផ្ទះទេ»។

ប្រធានាធិបតីកាហ្សាក់ស្ថាន លោក Kassym Jomart Tokayev បានប្រាប់កិច្ចប្រជុំថា ប្រទេសរបស់លោករងការប៉ុនប៉ងធ្វើរដ្ឋប្រហារ។

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសរុស្ស៊ី