ព័ត៌មានអន្ដរជាតិ

WHO ថា ឆាប់ៗនេះ ការព្យាបាលជំងឺកូវីដនឹងដូចជំងឺផ្តាសាយ

បានផុស

៣ years មុន

នៅ

ថ្ងៃពុធ ១២ មករា ២០២២

ដោយ

អង្គការសុខភាពពិភពលោក (WHO) បាននិយាយនៅថ្ងៃអង្គារ៍ថា វីរុសកូវីដបំប្លែងខ្លួនថ្មី Omicron ស្ថិតនៅលើផ្លូវឆ្លងដល់ប្រជាជនអឺរ៉ុបជាងពាក់កណ្តាល ប៉ុន្តែវាមិនត្រូវបានគេមើលឃើញថាជាជំងឺឆ្លងដូចជំងឺផ្តាសាយនៅឡើយទេ។

នាយកអង្គការសុខភាពពិភពលោកប្រចាំអឺរ៉ុប លោក Hans Kluge បាននិយាយថា ទ្វីបអឺរ៉ុបមានករណីឆ្លងថ្មីជាង៧លាននាក់គ្រាន់តែក្នុងសប្តាហ៍ទី១នៃឆ្នាំ២០២២ ដែលកើនឡើងជាងពីរដងកាលពីពីរសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kluge បាននិយាយសំដៅលើការស្រាវជ្រាវមួយរបស់សាកលវិទ្យាល័យវ៉ាស៊ីនតោនថា ៖«នៅក្នុងអត្រានេះ វិទ្យាស្ថានសម្រាប់ការវាស់ស្ទង់ និងវាយតម្លៃសុខភាពបានព្យាករថា ជាង៥០%នៃប្រជាជនអឺរ៉ុបនឹងឆ្លងកូវីដដោយវីរុស Omicron ក្នុងពេល៦ទៅ៨សប្តាហ៍ខាងមុខ»។

លោកថា ប្រទេស៥០ក្នុងចំណោមប្រទេសអឺរ៉ុប៥៣ និងអាស៊ីកណ្តាលមានអ្នកឆ្លងច្រើនជាងគេ។

ទោះបីជាយ៉ាងណា ភស្តុតាងកំពុងលេចឡើងថា វីរុស Omicron កំពុងប៉ះពាល់ដល់ផ្លូវដង្ហើមខាងលើច្រើនជាងសួត ដូច្នេះហើយបានជាវាមានអាការរោគសញ្ញាស្រាលជាងវីរុសមុនៗ។ ប៉ុន្តែ WHO បានព្រមានឲ្យមានការសិក្សាបន្ថែមទៀត។

កាលថ្ងៃចន្ទ នាយករដ្ឋមន្ត្រីអេស្ប៉ាញ លោក Pedro Sanchez បាននិយាយថា វាប្រហែលជាដល់ពេលត្រូវផ្លាស់ប្តូរពីរបៀបតាមដានការវីរុសកូវីដ-១៩ដោយប្រើវិធីស្រដៀងនឹងជំងឺផ្តាសាយ ពីព្រោះភាពគ្រោះថ្នាក់បណ្តាលឲ្យស្លាប់របស់វាធ្លាក់ចុះ។

ប្រការនោះបង្កប់ន័យថា ការព្យាបាលមេរោគឆ្លងជាងវីរុសរាតត្បាត មិនចាំបាច់កត់ត្រាគ្រប់ករណីឆ្លង និងដោយគ្មានធ្វើតេស្តគ្រប់មនុស្សទាំងអស់ដែលបង្ហាញពីរោគសញ្ញាឡើយ។

មន្ត្រីអាសន្នជាន់ខ្ពស់របស់ WHO ប្រចាំអឺរ៉ុប លោកស្រី Catherine Smallwood បាននិយាយថា នោះគឺជាផ្លូវមួយ។

លោកស្រីថា ៖«យើងនៅមានចំនួនច្រើននៃភាពមិនប្រាកដប្រជា និងវីរុសដែលកំពុងវិវត្តយ៉ាងលឿន បង្កើតជាបញ្ហាប្រឈមថ្មី។ យើងពិតជាមិនស្ថិតនៅចំណុចដែលយើងអាចហៅថា ជាជំងឺឆ្លងបានទេ»។

«វាអាចនឹងក្លាយជាជំងឺរាតត្បាតមានពេលកំណត់ ប៉ុន្តែការកំណត់ក្នុងឆ្នាំ២០២២គឺពិបាកបន្តិចនៅក្នុងដំណាក់កាលនេះ»៕

ប្រែសម្រួល៖ វីរបុត្រ
ប្រភព៖ reuters

Related Topics:កូវីដ-១៩