ព័ត៌មានអន្ដរជាតិ
ណាតូផ្តល់កិច្ចពិភាក្សាអាវុធជាមួយរុស្ស៊ីដើម្បីបញ្ចៀសសង្គ្រាម
អង្គការណាតូនៅថ្ងៃពុធម្សិលមិញបាននិយាយថា ខ្លួនកំពុងមានឆន្ទៈពិភាក្សាជាមួយរុស្ស៊ីអំពីការគ្រប់គ្រងអាវុធ និងការអភិវឌ្ឍមីស៊ីល ប៉ុន្តែនឹងមិនអនុញ្ញាតឲ្យទីក្រុងមូស្គូធ្វើវេតូលើគោលបំណងរបស់ប្រទេសអ៊ុយក្រែនដើម្បីចូលរួមសម្ព័ន្ធភាពទេ ដោយព្រមានពីហានិភ័យនៃសង្គ្រាមថ្មីពិតប្រាកដនៅអឺរ៉ុប។
ទីក្រុងមូស្គូបានបង្ខំប្រទេសលោកខាងលិចមកកាន់តុចរចាក្នុងសប្តាហ៍នេះដោយបានប្រមូលកងទ័ពប្រហែលជា១សែននាក់នៅជិតព្រំដែនជាមួយអ៊ុយក្រែនជាអតីតសាធារណៈរដ្ឋសូវៀតដែលមានបំណងចូលរួមជាមួយអង្គការណាតូ។

អគ្គលេខាធិការណាតូ លោក Jens Stoltenberg បាននិយាយបន្ទាប់ពីកិច្ចពិភាក្សា៤ម៉ោងរវាងទូតសម្ព័ន្ធភាព និងគណប្រតិភូរុស្ស៊ីនៅទីក្រុងព្រុចសែលថា ណាតូនឹងមិនអនុញ្ញាតឲ្យរដ្ឋាភិបាលរុស្ស៊ីកំណត់ការរៀបចំសន្តិសុខទៅលើប្រទេសផ្សេង និងបង្កើតឥទ្ធិពលដ៏គ្រោះថ្នាក់នោះទេ។
លោក Stoltenberg និយាយថា ៖«មានហានិភ័យពិតប្រាកដសម្រាប់ជម្លោះប្រដាប់ដោយអាវុធថ្មីនៅអឺរ៉ុប»។
«មានភាពខុសគ្នាខ្លាំងណាស់រវាងណាតូ និងរុស្ស៊ី»។ លោកបាននិយាយ និងបន្តថា «ភាពខុសគ្នារបស់យើងនឹងមិនងាយស្រួលឆ្លងនោះទេ ប៉ុន្តែវាមានសញ្ញាវិជ្ជមានដែលសម្ព័ន្ធភាពណាតូ និងរុស្ស៊ីអង្គុយចុះនៅលើតុជាមួយគ្នា និងចូលរួមក្នុងប្រធានបទសំខាន់ៗ»។

រុស្ស៊ីបានបដិសេធរៀបផែនការឈ្លានពានអ៊ុយក្រែន ប៉ុន្តែនិយាយថា ខ្លួនត្រូវការធានាជាស៊េរីសម្រាប់សន្តិសុខផ្ទាល់ខ្លួន ក្នុងនោះឲ្យបញ្ឈប់ការពង្រីកកម្លាំងទ័ពបន្ថែមទៀតរបស់ណាតូ និងដកកងកម្លាំងសម្ព័ន្ធមិត្តចេញពីបណ្តាប្រទេសអឺរ៉ុបកណ្តាល និងភាគខាងលិចដែលបានចូលរួមគ្នា បន្ទាប់ពីសង្គ្រាមត្រជាក់៕
ប្រែសម្រួល៖ វីរបុត្រ
ប្រភព៖ reuter

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ