Breaking News! កូរ៉េ​ខាង​ជើង ​បាញ់​មីស៊ីលមួយគ្រាប់ទៀតហើយ

យោងតាមទីភ្នាក់ងារសារព័ត៌មានយ៉ុនហាប់ ដែលដកស្រង់ចេញពីយោធាកូរ៉េខាងត្បូងបានឲ្យដឹងថា ទីក្រុងព្យុងយ៉ាងបានបាញ់មីស៊ីលមិនស្គាល់អត្តសញ្ញាណមួយគ្រាប់ទៀតនៅថ្ងៃសុក្រនេះ ខណៈកាំជ្រួច​មីស៊ីលនេះ​ត្រូវ​បាន​បាញ់​ចេញ​ពី​ឆ្នេរ​ភាគ​ខាង​កើត​នៃ​ប្រទេស​កូរ៉េខាង​ជើង​ឆ្ពោះ​ទៅ​សមុទ្រ​ជប៉ុន ។

ទន្ទឹមនោះឆ្មាំ​ព្រំដែន​ជប៉ុន​បានប៉ាន់ស្មាន​ថា កាំជ្រួចនេះ​អាច​ជាមីស៊ីល​ផ្លោងបាឡីស្ទីក ។ ឆ្មាំឆ្នេរសមុទ្រក៏បានចេញការព្រមានផងដែរ ដោយជំរុញឲ្យនាវាដែលកំពុងស្ថិតនៅសមុទ្រមានការប្រុងប្រយ័ត្ន និងនៅឲ្យឆ្ងាយពីមីស៊ីល ប្រសិនបើវាធ្លាក់ចូលទៅក្នុងទឹក ។

គួរបញ្ជាក់ថា ការបាញ់បង្ហោះនេះកើតឡើង បន្ទាប់ពីទីក្រុងព្យុងយ៉ាងបានធ្វើតេស្តមីស៊ីលល្បឿនលឿនជាងសំឡេង Hwasong-8 ជាច្រើនគ្រាប់ក្នុងខែមករានេះ ដោយបានប្រកាសថា កាំជ្រួចមីស៊ីលបានឈានដល់ល្បឿន Mach 10 ឬច្រើនជាង ១,០០០ គីឡូម៉ែត្រក្នុងមួយម៉ោង ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ដាក់ទណ្ឌកម្មជនជាតិកូរ៉េខាងជើង ក្រោយបាញ់មីស៊ីលថ្មីៗនេះ (មានវីដេអូ)