ព័ត៌មានអន្ដរជាតិ
ចៅក្រមរដ្ឋ Illinois ត្រូវរិះគន់ ដែលប្រែក្រឡាស់ ការផ្ដន្ទាទោសករណីចាប់រំលោភក្មេងស្រីម្នាក់
ចៅក្រមរដ្ឋ Illinois កំពុងប្រឈមមុខនឹងការរិះគន់យ៉ាងក្តៅគគុក សម្រាប់ការប្រែក្រឡាស់ការផ្តន្ទាទោសលើករណីរំលោភផ្លូវភេទរបស់បុរសអាយុ១៨ឆ្នាំម្នាក់ នៅឯការកាត់ទោសក្មេងជំទង់កាលពីសប្តាហ៍មុន ដោយនិយាយថា រយៈពេល១៤៨ថ្ងៃដែលគាត់ចំណាយនៅក្នុងពន្ធនាគារចាប់តាំងពីការចាប់ខ្លួន គឺគ្រប់គ្រាន់ហើយ។
ចៅក្រមតំបន់ Adams លោក Robert Adrian បានធ្វើការប្រែក្រឡាស់ដ៏គួរឲ្យភ្ញាក់ផ្អើល កាលពីថ្ងៃចន្ទសប្តាហ៍មុន បន្ទាប់ពីបានរកឃើញថា លោក Drew Clinton មានពិរុទ្ធពីបទរំលោភផ្លូវភេទមួយករណីនៅឯការកាត់ក្តីកាលពីខែតុលា។

តាមឯកសារតុលាការដែលទទួលបានដោយកាសែត Herald-Whig បានឲ្យដឹងថា “លោក Clinton បានជាប់ពន្ធនាគាររយៈពេលជិត ៥ខែ។ ក្នុងករណីនេះ តាមពិតគឺជាការផ្ដន្ទាទោសច្រើន តែនោះត្រឹមជាការកាត់ទោសប៉ុណ្ណោះ”។
លោក Clinton ត្រូវបានកាត់ទោសពីបទរំលោភផ្លូវភេទលើក្មេងស្រីអាយុ ១៦ ឆ្នាំនៅឯពិធីជប់លៀងបញ្ចប់ការសិក្សាកាលពីខែឧសភាឆ្នាំមុន។
គាត់បានប្រឈមមុខនឹងការកាត់ទោសយ៉ាងតិចបួនឆ្នាំ។ ការសម្រេចចិត្តរបស់ Adrian បានកើតឡើងបន្ទាប់ពីមេធាវីរបស់លោក Clinton ដាក់សំណើក្រោយការកាត់ក្តីចំនួនពីរ ហើយចៅក្រមបានកាត់ក្តីថា រដ្ឋអាជ្ញាមិនមានអ្វីសំអាងលើករណីរបស់ពួកគេនោះទេ។

បន្ទាប់ពីការសម្រេចរបស់ Adrian ជនរងគ្រោះមានការខកចិត្ត ហើយបានផ្សព្វផ្សាយរឿងរ៉ាវរបស់នាងជាសាធារណៈ ដោយរៀបរាប់ពីការរំលោភបំពានផ្លូវភេទដល់អ្នកសារព័ត៌មាន និងរៀបរាប់លម្អិតអំពីអារម្មណ៍របស់នាង នៅពេលដឹងថា Adrian ត្រូវបានដោះលែង។
Cameron Vaughan និយាយថា ភ្លាមៗនោះ នាងបានចាកចេញពីបន្ទប់សវនាការហើយយំនៅក្នុងបន្ទប់ទឹកបន្ទាប់ពីដឹងថា ការផ្តន្ទាទោសរបស់ Clinton ត្រូវបានលុបចោល។

ស្របពេលជាមួយគ្នានោះ បណ្តាញប្រឆាំងនឹងការរំលោភបំពានក្នុងគ្រួសារតំបន់ Quincy កាលពីថ្ងៃអង្គារ បានរិះគន់ការសម្រេចចិត្តរបស់ចៅក្រម។
ក្រុមនេះបាននិយាយនៅក្នុងសេចក្តីថ្លែងការណ៍មួយទៅកាន់ WGEM ថា “សាលក្រម និងការអត្ថាធិប្បាយរបស់ Adrian គឺជាការផ្ញើសារដ៏ត្រជាក់មួយទៅកាន់ជនរងគ្រោះនៃការរំលោភសេពសន្ថវៈផ្សេងទៀតថា អាកប្បកិរិយារបស់ពួកគេនឹងត្រូវវិនិច្ឆ័យមុន ជនល្មើស”៕
ប្រែសម្រួល៖ Vann Vann
ប្រភព៖ NY Post
ចុចអាន៖ ចៅក្រមស៊ើបសួរចេញដីកាបញ្ឈប់តាមចាប់ខ្លួនលោកបណ្ឌិត សេង សារី ជាផ្លូវការ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ