ព័ត៌មានអន្ដរជាតិ
រុស្ស៊ី ពង្រាយកងទ័ពបន្ថែមក្បែរព្រំដែន អ៊ុយក្រែន ចំពេលមានសម្ពាធពី ណាតូ
អ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃអាទិត្យថា ប្រទេសរុស្ស៊ីនឹងដាក់ពង្រាយកងទ័ពនៅលើទឹកដីរបស់ខ្លួននៅជិតព្រំដែនអ៊ុយក្រែន ដោយសារភាពតានតឹងជាមួយអង្គការសន្ធិសញ្ញាអាត្លង់ទិកខាងជើង (NATO) ។

លោក Peskov បាននិយាយនៅក្នុងបទសម្ភាសន៍ជាមួយទូរទស្សន៍ CNN របស់សហរដ្ឋអាមេរិកថា “យើងយល់ថា វាចាំបាច់ក្នុងការរក្សាកងទ័ពទាំងនោះ ដោយសារស្ថានភាពតានតឹងខ្លាំង និងបរិយាកាសមិនអំណោយផល” ។
លោកបាននិយាយថា ប្រទេសរុស្ស៊ីត្រូវចាត់វិធានការប្រុងប្រយ័ត្នដើម្បីឆ្លើយតបទៅនឹងការកសាងកម្លាំងយោធារបស់ណាតូ ក៏ដូចជាសមយុទ្ធ និងការហោះហើរជាញឹកញាប់នៃយន្តហោះចម្បាំង និងយន្តហោះឈ្លបយកការណ៍នៅជិតព្រំដែនរុស្ស៊ី ។

លោក Peskov បានសង្កត់ធ្ងន់ថា ទោះបីជាយ៉ាងណាក៏ដោយ រុស្ស៊ីមិនពិចារណាលើសកម្មភាពយោធានោះទេ បើទោះបីជាការចរចាជាមួយសហរដ្ឋអាមេរិក និងអង្គការណាតូលើការធានាសន្តិសុខត្រូវបរាជ័យក៏ដោយ ។
លោកបានបន្តថា យ៉ាងណាក៏ដោយ រុស្ស៊ីបានត្រៀមខ្លួនជាស្រេចក្នុងការចាត់វិធានការតបតវិញ ប្រសិនបើភាគីទាំងពីរមិនអាចឈានដល់ការឯកភាពគ្នានោះ ។

កាលពីដើមសប្តាហ៍នេះ អ្នកការទូតរុស្ស៊ីបានជួបពិភាក្សាជាមួយសហរដ្ឋអាមេរិកនៅទីក្រុងហ្សឺណែវ ជាមួយអង្គការសន្តិសុខ និងកិច្ចសហប្រតិបត្តិការអឺរ៉ុបនៅទីក្រុងវីយែន ហើយបន្ទាប់មកជាមួយអង្គការណាតូនៅទីក្រុងប្រ៊ុចសែល ខណៈភាគីទាំងអស់បានបញ្ចប់ទៅដោយគ្មានការវិវត្តថ្មីណាមួយឡើយ ។
ជាចុងក្រោយលោក Peskov បានប្រាប់ CNN ថា ណាតូមានការស្ទាក់ស្ទើរក្នុងការសន្យាថា ខ្លួននឹងមិនផ្តល់សមាជិកភាពអ៊ុយក្រែន ឬដាក់ពង្រាយអាវុធវាយលុកនៅលើទឹកដីអ៊ុយក្រែនដែលជាផ្នែកនៃបន្ទាត់ក្រហមរបស់រុស្ស៊ីនោះទេ ៕

ប្រែសម្រួលដោយ ៖ ជីវ័ន្ត
ប្រភព ៖ XINHUA

-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?