ព័ត៌មានអន្ដរជាតិ
អង់គ្លេស ប្រាប់កុំទាន់ឆោឡោបន្ទាប់ពីមនុស្ស២នាក់មានប្រតិកម្មធ្ងន់ធ្ងរក្រោយចាក់វ៉ាក់សាំងកូវីដ
នៅថ្ងៃនេះ ក្រុមអ្នកវិទ្យាសាស្ត្រអង់គ្លេសបានព្យាយាមសម្រាលភាពភ័យខ្លាចជាសាធារណៈអំពីវ៉ាក់សាំង Pfizer/BioNTech ដែលកំពុងត្រូវបានចាក់នៅទូទាំងប្រទេសបន្ទាប់ពីមានរបាយការណ៍ថា បុគ្គលិក NHS ពីរនាក់ទទួលរងប្រតិកម្មអាឡ័កស៊ីធ្ងន់ធ្ងរក្រោយពេលចាក់វ៉ាក់សាំងនៅថ្ងៃ V-Day កាលពីម្សិលមិញ។
ក្នុងរយៈពេល២៤ម៉ោងនៃកម្មវិធីចាក់ថ្នាំបង្ការរោគដ៏ធំបំផុតមិនធ្លាប់មាននៅក្នុងប្រវត្ដិសាស្ដ្រចក្រភពអង់គ្លេស និយតករថ្នាំពេទ្យរបស់ចក្រភពអង់គ្លេសបានប្រាប់ថា អ្នកណាម្នាក់ដែលមានប្រតិកម្មអាឡ័កស៊ីធ្ងន់ធ្ងរទៅនឹងថ្នាំឬអាហារមិនគួរត្រូវបានទទួលវ៉ាក់សាំងទេ។
យ៉ាងណាក្តី ចំនួនមនុស្សដែលគេហាមឃាត់មិនត្រូវបានគេដឹងនោះទេថ្វីបើអង់គ្លេសត្រូវបានគេដឹងថាជាប្រទេសមានប្រជាជនរហូតដល់ទៅ៧លាននាក់ មានអាឡ័កស៊ីធ្ងន់ធ្ងរដែលត្រូវការការថែទាំសុខភាពនិងប្រមាណ២៥០,០០០នាក់ត្រូវការលាបថ្នាំ EpiPen គ្រប់ពេលក៏ដោយ។
បុគ្គលិកថែទាំសុខភាពដែលមិនបញ្ចេញឈ្មោះទាំងពីរត្រូវការការព្យាបាលជាបន្ទាន់ប៉ុន្តែបានជាសះស្បើយឡើងវិញបន្ទាប់ពីពួកគេចេញរោគសញ្ញាភ្លាមៗក្រោយទទួលបានការចាក់វ៉ាក់សាំង។
បើទោះបីជាមានប្រតិកម្មអាឡ័កស៊ីពីរករណីក៏ដោយ រដ្ឋាភិបាលនៅតែបន្តចាក់វ៉ាក់សាំងមនុស្សពី៥,០០០ទៅ៧,០០០នាក់ក្នុងមួយថ្ងៃនៅទូទាំងចក្រភពអង់គ្លេសដោយប្រើថ្នាំ Pfizer។
ទោះបីជាយ៉ាងណាក៏ដោយ ក្រុមអ្នកវិទ្យាសាស្ត្រអង់គ្លេសនៅថ្ងៃនេះបានអំពាវនាវឲ្យមានភាពស្ងប់ស្ងាត់ស្របពេលមានការភ័យខ្លាចជាសាធារណៈអំពីគ្រោះថ្នាក់ដែលបង្កឡើងដោយវ៉ាក់សាំងថ្មីនេះ។ វាបានគំរាមកំហែងដល់ការបង្អាក់កម្មវិធីចាក់ថ្នាំបង្ការដ៏ធំរបស់ NHS។
សាស្រ្តាចារ្យ Graham Ogg នៃសាកលវិទ្យាល័យ Oxford បានជំរុញឲ្យមានភាពស្ងប់ស្ងាត់ដោយនិយាយថា វានឹងក្លាយជាការសំខាន់ក្នុងការយល់ពីលក្ខណៈជាក់លាក់នៃប្រតិកម្មនិងប្រវត្តិវេជ្ជសាស្ត្ររបស់បុគ្គលដែលរងផលប៉ះពាល់ដូច្នេះហានិភ័យនៃប្រតិកម្មអាចត្រូវបានកំណត់បានយ៉ាងច្បាស់លាស់៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ទោះមានវ៉ាក់សាំង តែប្រជាជនអង់គ្លេសត្រូវបន្តពាក់ម៉ាស់មួយឆ្នាំទៀត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន