អូមីក្រុង សម្លាប់មនុស្សបន្ថែមទៀតនៅ ថៃ

អ្នកស្លាប់ទីពីរដោយសារវីរុសបំប្លែងថ្មី អូមីក្រុង នៅក្នុងប្រទេសថៃ ត្រូវបានរាយការណ៍នៅថ្ងៃចន្ទទី១៧ខែមករានេះ ដោយមជ្ឈមណ្ឌលគ្រប់គ្រងស្ថានភាពជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្លាប់ទាំងពីរ គឺជាស្ត្រីវ័យចំណាស់មានសុខភាពធ្ងន់ធ្ងរ ដែលបានឆ្លងមេរោគពីសមាជិកគ្រួសារ។

អ្នកស្លាប់ទីពីរដោយសារអូមីក្រុង គឺជាលោកយាយអាយុ៨៤ឆ្នាំ មានជំងឺមហារីកសួតដំណាក់កាលចុងក្រោយនៅក្នុងខេត្ត Udon Thani។ គាត់បានធ្វើតេស្តវិជ្ជមានជំងឺកូវីដ១៩កាលពីថ្ងៃទី១០ខែមករា ហើយធ្វើចត្តាឡីស័កក្នុងផ្ទះ។ រោគសញ្ញារបស់គាត់កាន់តែធ្ងន់ទៅៗ ហើយគាត់បានទទួលមរណភាពនៅថ្ងៃទី១៥ខែមករា។

ថ្វីបើករណីដែលពាក់ព័ន្ធនឹងវីរុសបំប្លែងខ្លួនអូមីក្រុង កំពុងកើនឡើងនៅក្នុងប្រទេសថៃក៏ដោយ ប៉ុន្តែមេរោគនេះត្រូវបានគេនិយាយថា មិនសូវធ្ងន់ធ្ងរទេ ហើយចំនួនអ្នកស្លាប់ទាក់ទងនឹងកូវីដ របស់ប្រទេសនេះ បានធ្លាក់ចុះដល់កម្រិតទាបបំផុតក្នុងរយៈពេលប្រាំបួនខែ។

គួរបញ្ជាក់ថា អ្នកស្លាប់ទី១ គឺជាលោកយាយ​អាយុ​៨៦​ឆ្នាំ​នៅ​ខេត្ត​ Songkhla។ គាត់​បានទទួលមរណភាព​នៅ​មន្ទីរពេទ្យ Hat Yai​។ គាត់ធ្លាប់ចាក់វ៉ាក់សាំង Pfizer ចំនួនពីរដូស៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ មានអ្នកស្លាប់ដោយសារ អូមីក្រុង ហើយ