ព័ត៌មានអន្ដរជាតិ

អាល្លឺម៉ង់អាចផ្អាកបំពងយក្សក្រោមសមុទ្រ បើរុស្ស៊ីវាយប្រហារអ៊ុយក្រែន

បានផុស

៣ years មុន

នៅ

ថ្ងៃពុធ ១៩ មករា ២០២២

ដោយ

យោងតាមអធិការបតីអាល្លឺម៉ង់លោក Olaf Scholz បានបង្ហើបកាលពីថ្ងៃអង្គារ៍ម្សិលមិញថា ប្រទេសអាល្លឺម៉ង់ប្រហែលជាពិចារណាផ្អាកបំពងយក្សក្រោមសមុទ្រ Nord Stream 2 ប្រសិនបើប្រទេសរុស្ស៊ីវាយប្រហារប្រទេសអ៊ុយក្រែន ខណៈសម្ពាធកើនឡើងលើរដ្ឋាភិបាលរបស់លោកឲ្យមានចំណាត់ថ្នាក់លើរដ្ឋាភិបាលវិមានក្រឹមឡាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Scholz បានជួបអគ្គលេខាធិការអង្គការណាតូ លោក Jens Stoltenberg នៅប៊ែកឡាំងដើម្បីពិភាក្សាជំហានបន្ទាប់ ក្រោយពេលកិច្ចពិភាក្សារវាងរុស្ស៊ី និងប្រទេសលោកខាងលិចស្តីពីការដាក់ពង្រាយទ័ពរាប់ពាន់នាក់របស់រុស្ស៊ីនៅព្រំដែនជាមួយអ៊ុយក្រែនចប់ដោយគ្មានដំណោះស្រាយកាលពីសប្តាហ៍មុន។

លោក Scholz ធ្លាប់បាននិយាយថា អាល្លឺម៉ង់គឺបើកចំហរចំពោះការដាក់ទណ្ឌកម្ម ប្រសិនបើរុស្ស៊ីវាយប្រហារអ៊ុយក្រែន។ អ្វីគ្រប់យ៉ាងស្ថិតនៅលើតុរួចហើយ ក្នុងនោះមានការបញ្ឈប់បំពងក្រោមសមុទ្រ Nord Stream 2 ពីរុស្ស៊ីទៅអាល្លឺម៉ង់ ដែលជាផ្លូវនាំយកឧស្ម័នរុស្ស៊ីច្រើនទៅអ៉ឺរ៉ុបខាងលិច។

អ្នកឃ្លាំមើលមួយចំនួនបាននិយាយថា លោកអធិការបតីអាល្លឺម៉ង់កំពុងផ្ញើសញ្ញាចម្រុះដោយបានហៅបំពងក្រោមសមុទ្របានកសាងរួច ប៉ុន្តែមិនទាន់អនុម័តសម្រាប់ប្រតិបត្តិការជាគម្រោងពាណិជ្ជកម្មឯកជនដែលមិនគួរត្រូវជ្រើសរើសធ្វើជាទណ្ឌកម្មឡើយ។

លោក Jens Stoltenberg និងលោក លោក Olaf Scholz

គណបក្សប្រជាធិបតេយ្យសង្គមរបស់លោក ដៃគូជាន់ខ្ពស់នៅក្នុងរដ្ឋាភិបាលចម្រុះមានប្រវត្តិសាស្ត្រជិតស្និទ្ធជាមួយរុស្ស៊ីជាងគណបក្សផ្សេងៗនៅអាល្លឺម៉ង់ ហើយទីក្រុងប៊ែកឡាំងស្ថិតក្រោមសម្ពាធដើម្បីរកផ្លូវបំពេញចន្លោះថាមពលរបស់ខ្លួននៅពេលឈប់ផលិតធ្យូងថ្ម និងថាមពលនុយក្លេអ៊ែរ ដើម្បីផ្តោតលើថាមពលបៃតង។

អ្នកប្រឆាំងនឹងបំពងក្រោមសមុទ្រ Nord Stream 2 ដែលមានអ៊ុយក្រែន និងសហរដ្ឋអាមេរិកបាននិយាយថា វានឹងធ្វើឲ្យអឺរ៉ុបពឹងផ្អែកខ្លាំងលើថាមពលពីរុស្ស៊ី។

ឆ្លើយតបទៅសំនួរអំពី Nord Stream 2 លោក Scholz បានប្រាប់អ្នកកាសែតថា ៖«វាច្បាស់ដែលនឹងមានតម្លៃខ្ពស់ត្រូវចំណាយ និងថា អ្វីគ្រប់យ៉ាងនឹងត្រូវបានពិភាក្សាដែលអាចមានអន្តរាគមន៍យោធានៅអ៊ុយក្រែន»៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសអាល្លឺម៉ង់