ព័ត៌មានអន្ដរជាតិ

ទីបំផុត អាមេរិក បញ្ចេញវីដេអូ ការវាយប្រហារដោយដ្រូន សម្លាប់ជនស៊ីវិល១០នាក់ នៅ អាហ្វហ្គានីស្ថាន

បានផុស

៣ years មុន

នៅ

ថ្ងៃព្រហស្បតិ៍ ២០ មករា ២០២២

ដោយ

មន្ទីរបញ្ចកោណបាន បញ្ចេញជាសាធារណនូវខ្សែអាត់វីដេអូនៃការវាយប្រហារដោយយន្តហោះដ្រូនរបស់អាមេរិក ក្នុងទីក្រុងកាប៊ុល ដែលបានសម្លាប់ជនស៊ីវិល១០នាក់ ក្នុងនោះមានទាំងកុមារ៧នាក់ផងដែរ ប៉ុន្មានម៉ោងប៉ុណ្ណោះមុនពេលអាមេរិក ដកទ័ពចេញពីប្រទេស អាហ្វហ្គានីស្ថានកាលពីឆ្នាំមុន។

This image from video, released by the Department of Defense, from video drone footage, shows a missile fired from a drone in Kabul, Afghanistan on August 29, 2021, that killed 10 civilians

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូនេះដែលរួមមានទាំងវីដេអូប្រហែល២៥នាទី ថតដោយយន្តហោះគ្មានមនុស្សបើកធុន MQ-9 Reaper ចំនួនពីរគ្រឿង បានបង្ហាញពីកន្លែងកើតហេតុនៃការវាយប្រហារកាលពីថ្ងៃទី ២៩ ខែសីហា មុនពេល អំឡុងពេល និងក្រោយពេល មីស៊ីលវាយប្រហាររថយន្តជនស៊ីវិលនៅក្នុងទីធ្លានៃលំនៅដ្ឋានមួយ។

It marks the first public release of video footage of the Aug. 29 strike, which the Pentagon initially defended but later called a tragic mistake. Of the 10 people killed in the attack, seven were children

វីដេអូបង្ហាញពីជនស៊ីវិលបន្លាស់ទីនៅក្នុង ឬនៅជិតតំបន់រងគ្រោះ រួមទាំងក្មេងៗដែលកំពុងប្រញាប់ប្រញាល់ចូលទៅក្នុងទីធ្លាមួយ ប៉ុន្មានវិនាទីមុនការវាយប្រហារផងដែរ។

The botched drone strike killed 10 civilians, including seven children, in the final hours of the chaotic American withdrawal from Afghanistan last year

ទីបញ្ជាការកណ្តាលរបស់សហរដ្ឋអាមេរិក បានបង្ហោះវីដេអូនេះជាសាធារណៈកាលពីល្ងាចថ្ងៃពុធទី១៩ខែមករា បន្ទាប់ពីលោកប្រធានាធិបតី Joe Biden ធ្វើសន្និសីទសារព័ត៌មានផ្លូវការលើកដំបូងរបស់ខ្លួនក្នុងរយៈពេល១០ខែមកនេះ។ ខ្សែអាត់វីដេអូនេះ ត្រូវបានបញ្ចេញជាការឆ្លើយតបទៅនឹងពាក្យបណ្ដឹងរបស់កាសែត New York Times ដើម្បីទទួលបានវីដេអូ។