ព័ត៌មានអន្ដរជាតិ

តើ ណាតូ ជាអ្វី ទើបហ៊ានដាក់សម្ពាធលើ រុស្ស៊ី បើឈ្លានពាន អ៊ុយក្រែន?

បានផុស

៣ years មុន

នៅ

ថ្ងៃអង្គារ ២៥ មករា ២០២២

ដោយ

រហូតមកដល់ពេលនេះភាពតានតឹងតាមព្រំដែនរវាងរុស្ស៊ី និងអ៊ុយក្រែននៅតែក្ដៅគគុក ហើយត្រូវបានគេមើលឃើញថាមានសម្ព័ន្ធមិត្ត និងអង្គការជាច្រើនកំពុងប្រុងជើងការចាំជួយអ៊ុយក្រែន ជាពិសេសអង្គការណាតូ បើសិនជារុស្ស៊ីហ៊ានឈ្លានពានទីក្រុងគៀវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើ អង្គការណាតូ ជាអ្វី?

អង្គការសន្ធិសញ្ញាអាត្លង់ទិកខាងជើង ហៅកាត់ NATO ឬ OTAN ជាភាសាបារាំង គឺជាសម្ព័ន្ធភាពយោធាអន្តររដ្ឋាភិបាលរវាងប្រទេសអ៊ឺរ៉ុបចំនួន ២៧ អាមេរិកខាងជើងចំនួន ២ ប្រទេស និងប្រទេសអឺរ៉ាស៊ីចំនួន ១ ហើយអង្គការនេះត្រូវបានបង្កើតឡើងតាមរយៈសន្ធិសញ្ញាអាត្លង់ទិកខាងជើង ដែលបានចុះហត្ថលេខានាថ្ងៃទី០៤ ខែមេសា ឆ្នាំ ១៩៤៩ ។

បច្ចុប្បន្នអ្នកនយោបាយសញ្ជាតិន័រវែសលោក Jens Stoltenberg គឺជាអគ្គលេខាធិការទី ១៣ របស់អង្គការណាតូ និងមានទីស្នាក់ការកណ្តាលនៅទីក្រុងប្រ៊ុចសែលប្រទេសបែលហ្ស៊ិក ខណៈដែលទីស្នាក់ការកណ្តាលនៃប្រតិបត្តិការបញ្ជាការសម្ព័ន្ធមិត្តស្ថិតគឺនៅជិតទីក្រុង Mons ប្រទេសបែលហ្ស៊ិក ។

ណាតូ បង្កើតបានជាប្រព័ន្ធសន្តិសុខសមូហភាព ដែលរដ្ឋជាសមាជិកឯករាជ្យរបស់ខ្លួនយល់ព្រមធ្វើអន្តរាគមន៍ ឬការពារគ្នាទៅវិញទៅមក ដើម្បីឆ្លើយតបទៅនឹងការវាយប្រហារពីសំណាក់ភាគីខាងក្រៅណាមួយ ជាពិសេសភាពតានតឹងរវាងរុស្ស៊ី និងអ៊ុយក្រែនដែលកំពុងកើតមាន ដែលអាចចាត់ទុកថា ណាតូ ជាឪពុកម្ដាយសម្រាប់ដោះស្រាយជម្លោះរដ្ឋជាសមាជិករបស់ខ្លួន ។

ចាប់តាំងពីការបង្កើតរបស់ខ្លួន ការចូលជាសមាជិកថ្មីបានបង្កើនសម្ព័ន្ធភាពពីប្រទេសដើមចំនួន ១២ ដល់ ៣០ ។ រដ្ឋសមាជិកថ្មីបំផុតដែលត្រូវបានបញ្ចូលទៅក្នុងអង្គការណាតូគឺប្រទេសម៉ាសេដូនីខាងជើង (North Macedonia) កាលពីថ្ងៃទី ២៧ ខែមីនា ឆ្នាំ ២០២០ ។