ព័ត៌មានអន្ដរជាតិ

វៀតណាម ជោគជ័យវះកាត់ប្តូរក្រលៀន ទោះអ្នកជំងឺ និងអ្នកបរិច្ចាគ មានប្រភេទឈាមខុសគ្នា

បានផុស

៣ years មុន

នៅ

ថ្ងៃអង្គារ ២៥ មករា ២០២២

ដោយ

មន្ទីរពេទ្យ Cho Ray (ជោរៃ) នៅទីក្រុងហូជីមិញ បានធ្វើការវះកាត់ប្តូរក្រលៀនដោយជោគជ័យ ទាំងមិនចាំបាច់មានប្រភេទឈាមដូចគ្នា ដែលនេះជាករណីទីមួយហើយនៅក្នុងប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Tran Thi Hanh អាយុ៥១ឆ្នាំមកពីខេត្ត Ben Tre បានស្ម័គ្រចិត្តបរិច្ចាគក្រលៀនមួយដល់ប្តីរបស់គាត់ឈ្មោះ Vi Van Biet អាយុ៥៤ឆ្នាំ ដែលមានជំងឺដំណាក់កាលចុងក្រោយ និងបានធ្វើការលាងឈាមអស់រយៈពេលជាងមួយឆ្នាំមកហើយ។

ប្រភេទឈាមរបស់ប្រពន្ធគឺ A ចំណែកឈាមរបស់ប្តីគឺប្រភេទ B។

ឈ្មោះ Vi Van Biet ជាប្តីនិងលោកស្រី Tran Thi Hanh ជាប្រពន្ធ

ការវះកាត់ត្រូវបានធ្វើឡើងកាលពីថ្ងៃទី ២៩ ខែធ្នូ ហើយពេលនេះ អ្នកទាំងពីរកំពុងស្ថិតក្នុងស្ថានភាពធម្មតា។

ក្រុមវេជ្ជបណ្ឌិតបាននិយាយថា ដើម្បីរៀបចំសម្រាប់ការប្តូរក្រលៀន អ្នកជំងឺបានទទួលការព្យាបាលដើម្បីបន្ថយកម្រិតអង់ទីគ័រនៅក្នុងឈាមរបស់គាត់ និងកាត់បន្ថយហានិភ័យនៃការប្រឆាំងអង់ទីគ័រ ក្រលៀនអ្នកបរិច្ចាគ។

លោកសាស្ត្រាចារ្យ Thai Minh Sam ប្រធានផ្នែកជំងឺក្រលៀនរបស់មន្ទីរពេទ្យបាននិយាយថា មានអ្នកជំងឺប្រហែល៣០០នាក់ បានចុះឈ្មោះដើម្បីប្តូរក្រលៀននៅមន្ទីរពេទ្យជារៀងរាល់ឆ្នាំ ប៉ុន្តែក្នុងចំណោមនោះមានតែមួយភាគបីប៉ុណ្ណោះ ដែលទទួលការវះកាត់ដោយសារហេតុផលផ្សេងៗ ដូចជាម្ចាស់ជំនួយមានប្រភេទឈាមខុសគ្នាជាដើម។

លោក Sam និយាយថា ការប្តូរក្រលៀនលើអ្នកដែលមានប្រភេទឈាមខុសគ្នា ត្រូវបានធ្វើឡើងនៅក្នុងប្រទេសជាច្រើន ហើយមន្ទីរពេទ្យបានបញ្ជូនវេជ្ជបណ្ឌិត និងគ្រូពេទ្យវះកាត់ទៅកាន់បណ្តាមន្ទីរពេទ្យឈានមុខនៅបរទេស ដើម្បីសិក្សាពីដំណើរការនេះក្នុងប៉ុន្មានឆ្នាំថ្មីៗ៕

ប្រែសម្រួល៖ Vann Vann

ប្រភព៖ Vietnam Plus

ចុចអាន៖ វៀតណាម ចាប់ខ្លួនមេជួញដូរក្រលៀនខុសច្បាប់ ត្រៀមផ្តន្ទាទោសជាប់គុកមួយជីវិត