ព័ត៌មានអន្ដរជាតិ
ត្រាំ ដាក់ចុកៗថា ភាពតានតឹងរវាង រុស្ស៊ី-អ៊ុយក្រែន នឹងមិនកើតឡើងឡើយ បើលោកជាប្រធានាធិបតី អាមេរិក
អតីតប្រធានាធិបតីអាមេរិកលោក ដូណាល់ ត្រាំ បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា ស្ថានភាពដែលកំពុងបន្តរវាងរុស្ស៊ី និងអ៊ុយក្រែន នឹងមិនកើតឡើងឡើយនៅក្រោមរដ្ឋបាលរបស់លោក ។
![](https://www.kampucheathmey.com/wp-content/uploads/2022/01/Trump.jpg)
នៅពេលនោះរដ្ឋបាលលោក ត្រាំ បានស្នើសុំនៅក្នុងឆ្នាំសារពើពន្ធ ២០២១ របស់ខ្លួននូវថវិកាចំនួន ៣១៧ លានដុល្លារជាជំនួយដល់អ៊ុយក្រែន រួមទាំងការផ្តល់ជំនួយផ្នែកយោធា ហើយក្រោយមកបានផ្តល់ជំនួយចំនួន ១.៥ លានដុល្លារ ដើម្បីកែលម្អកន្លែងបណ្តុះបណ្តាលកងកម្លាំងប្រតិបត្តិការពិសេសរបស់អ៊ុយក្រែន ។
ទោះបីជាយ៉ាងណាក៏ដោយ សភាតំណាងរាស្រ្តអាមេរិកក្នុងខែធ្នូ ឆ្នាំ ២០១៩ បែរជាបោះឆ្នោតចោទប្រកាន់លោក ត្រាំ ពីបទរំលោភអំណាច និងការរារាំងសភាចំពោះការចោទប្រកាន់ថាបានបង្កកជំនួយយោធាដល់អ៊ុយក្រែន ដើម្បីដាក់សម្ពាធលើទីក្រុង Kiev ឲ្យស៊ើបអង្កេតគូប្រជែងនយោបាយលោក ចូ បៃដិន ។ បន្ទាប់មកព្រឹទ្ធសភាបានឲ្យលោក ត្រាំ រួចខ្លួនលើគ្រប់មាត្រានៃការចោទប្រកាន់ទាំងនោះ ។
![](https://www.kampucheathmey.com/wp-content/uploads/2022/01/Ukraine-4-1.jpg)
ទន្ទឹមនោះ អតីតរដ្ឋមន្ត្រីការបរទេសលោក Mike Pompeo បាននិយាយកាលពីខែកក្កដា ឆ្នាំ ២០២០ ក្នុងអំឡុងពេលផ្តល់សក្ខីកម្មដល់គណៈកម្មាធិការទំនាក់ទំនងបរទេសព្រឹទ្ធសភាអាមេរិកថា រដ្ឋបាលលោក ត្រាំ បានគាំទ្រយ៉ាងពេញទំហឹងចំពោះការបង្កើនជំនួយដ៍សាហាវដល់អ៊ុយក្រែន ។
គួរបញ្ជាក់ថា ភាពតានតឹងរវាងរុស្ស៊ី និងអ៊ុយក្រែនកើតឡើង ចំពេលមានការកើនឡើងនៃកងកម្លាំងនៅជិតព្រំដែន ដោយ ជំរុញឲ្យមានការពិភាក្សាអំពីការចូលរួមបន្ថែមទៀតរបស់សហរដ្ឋអាមេរិកនៅក្នុងស្ថានភាពសន្តិសុខអឺរ៉ុប រួមទាំងការផ្គត់ផ្គង់ជំនួយយោធាដ៏អស្ចារ្យដល់អ៊ុយក្រែនដើម្បីរារាំងរុស្ស៊ីពីការឈ្លានពានដែលអាចកើតមាន ។
![](https://www.kampucheathmey.com/wp-content/uploads/2022/01/Ukraine-7-2.jpg)
ស្របពេលជាមួយគ្នានេះ រុស្ស៊ីបានបដិសេធយ៉ាងម៉ឺងម៉ាត់ថា ខ្លួនមិនមានបំណងវាយប្រហារប្រទេសណាមួយឡើយ ហើយបានព្រមានអង្គការណាតូថា សកម្មភាពរបស់ខ្លួននៅជិតព្រំដែនរុស្ស៊ី គឺជាការគំរាមកំហែងសន្តិសុខជាតិ ខណៈដែលក្រុងម៉ូស្គូរក្សាសិទ្ធិក្នុងការផ្លាស់ទីកងកម្លាំងនៅលើទឹកដីរបស់ខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២៣ ម៉ោង ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម១ ថ្ងៃ ago
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង