ព័ត៌មានអន្ដរជាតិ
អង់គ្លេស កំពុងបង្ហាត់កងទ័ព អ៊ុយក្រែន ប្រើមីស៊ីលប្រឆាំងរថក្រោះ
ទីភ្នាក់ងារព័ត៌មានរបស់ក្រសួងការពារជាតិអ៊ុយក្រែន Armiya Inform បាននិយាយកាលពីថ្ងៃអង្គារថា ទីប្រឹក្សាយោធាអង់គ្លេសកំពុងបណ្តុះបណ្តាលកងទ័ពអ៊ុយក្រែនឲ្យប្រើប្រាស់ប្រព័ន្ធមីស៊ីលប្រឆាំងរថក្រោះកម្រិតខ្ពស់ NLAW ដែលទើបនឹងបញ្ជូនមកថ្មីៗនេះ ។

ទីភ្នាក់ងារបានរាយការណ៍ថា “ការហ្វឹកហ្វឺនយោធាអ៊ុយក្រែនលើការប្រើប្រាស់ប្រព័ន្ធមីស៊ីលប្រឆាំងរថក្រោះជំនាន់ក្រោយ NLAW ដែលទើបប្រគល់ដោយរដ្ឋាភិបាលចក្រភពអង់គ្លេសដើម្បីគាំទ្រដល់កងកម្លាំងប្រដាប់អាវុធអ៊ុយក្រែនបានចាប់ផ្តើមហើយនៅមជ្ឈមណ្ឌលហ្វឹកហ្វឺនទី ១៨៤ នៃបណ្ឌិតសភាកងទ័ពជាតិ Hetman Petro Sahaidachnyi” ។

យោងតាមការចុះផ្សាយនោះបានឲ្យដឹងទៀតថា ទីប្រឹក្សាយោធារបស់ចក្រភពអង់គ្លេសត្រូវបានបញ្ជូនទៅកាន់ប្រទេសអ៊ុយក្រែនក្រោមប្រតិបត្តិការ Orbital តាំងពីឆ្នាំ ២០១៥ មកម្ល៉េះ ដើម្បីផ្តល់ការណែនាំ និងការបណ្តុះបណ្តាលដល់កងកម្លាំងប្រដាប់អាវុធអ៊ុយក្រែន ។
រហូតមកដល់ពេលនេះ បុគ្គលិកយោធាអ៊ុយក្រែនចំនួន ២១,០០០ នាក់ត្រូវបានបណ្តុះបណ្តាលក្រោមប្រតិបត្តិការនេះ ។ ចក្រភពអង់គ្លេសក៏បានផ្តល់សម្ភារៈយោធាចំនួន ៣ លានដុល្លារ និងបានផ្គត់ផ្គង់អាវុធដ៍សាហាវដំបូងគេដល់អ៊ុយក្រែនក្នុងឆ្នាំ ២០២២ នេះ ។

គួរបញ្ជាក់ថា ប្រព័ន្ធនេះត្រូវបានបញ្ជូនដោយកងទ័ពអាកាសចក្រភពអង់គ្លេសនៅថ្ងៃទី ១៧ និង ១៨ ខែមករា អមដោយក្រុមហ្វឹកហ្វឺនដែលមានទាហានពី ១០ ទៅ ២០ នាក់ ហើយក៏បានផ្តល់បុគ្គលិកដើម្បីបណ្តុះបណ្តាលទាហានអ៊ុយក្រែនអំពីរបៀបគ្រប់គ្រងអាវុធ NLAW ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ តើ ណាតូ ជាអ្វី ទើបហ៊ានដាក់សម្ពាធលើ រុស្ស៊ី បើឈ្លានពាន អ៊ុយក្រែន?

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៥ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី