ព័ត៌មានអន្ដរជាតិ

ចិន និង រុស្ស៊ី ចាប់ដៃគ្នាកសាងស្ថានីយ៍រុករកឋានព្រះចន្ទ

បានផុស

៣ years មុន

នៅ

ថ្ងៃសុក្រ ២៨ មករា ២០២២

ដោយ

ប្រទេសចិន និងរុស្ស៊ីនឹងចុះហត្ថលេខាលើកិច្ចព្រមព្រៀងដើម្បីកសាងស្ថានីយ៍ស្រាវជ្រាវឋានព្រះចន្ទ។ នេះបើតាមមន្ត្រីនៅទីភ្នាក់ងារអវកាសចិនបាននិយាយ។

លោក Wu Yanhua អនុប្រធានរដ្ឋបាលអវកាសជាតិចិនបានប្រាប់អ្នកកាសែតនៅថ្ងៃសុក្រក្នុងទីក្រុងប៉េកាំងថា ប្រទេសទាំងពីរមានគោលបំណងបញ្ចប់ការសាងសងហេដ្ឋារចនាសម្ពន្ធជាមួលដ្ឋានសម្រាប់ស្ថានីយ៍ឋានព្រះចន្ទត្រឹមឆ្នាំ២០៣៥។

លោកបន្តថា ការកសាងទាំងនោះរាប់បញ្ចូលទាំងប្រព័ន្ធសម្រាប់ថាមពល ទំនាក់ទំនង និងឧបករណ៍ជំនួយជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Liu Jizhong ប្រធានមជ្ឈមណ្ឌលវិស្វកម្មអវកាស និងរុករកឋានព្រះច័ន្ទរបស់ចិន បាននិយាយថា ចិន និងរុស្ស៊ីក៏បានព្រមព្រៀងគ្នាដើម្បីសហការលើការបាញ់បង្ហោះបេសកកម្មមនុស្សយន្តទៅឋានព្រះចន្ទ Chang’e 7 ប្រហែលជាឆ្នាំ២០២៥។

សេចក្តីប្រកាសនេះគឺជាសញ្ញាថ្មីបំផុតនៃកិច្ចសហប្រតិបត្តិការជិតស្និទ្ធរវាងប្រទេសទាំងពីរ។ លោកប្រធានាធិបតីរុស្ស៊ី វ្លាឌីមៀរ ពូទីន ត្រូវបានគេរំពឹងថា នឹងក្លាយជាមេដឹកនាំកំពូលម្នាក់ក្នុងពិភពលោកដែលនឹងធ្វើដំណើរទស្សនកិច្ចទៅទីក្រុងបេកាំងដើម្បីចូលរួមជាគណៈអធិបតីក្នុងពិធីបើកព្រឹត្តិការណ៍កីឡាអូឡាំពុករដូវរងានាសប្តាហ៍ក្រោយនេះ។

ចាប់ដៃគ្នាធ្វើការ ចិន និងរុស្ស៊ីកំពុងតែបង្កើនការប្រកួតប្រជែងថ្មីមួយទៅឋានព្រះចន្ទក្នុងចំណោមប្រទេសមហាអំណាចអវកាសក្នុងលោក។ សហរដ្ឋអាមេរិកនាខែក្រោយនេះគ្រោងធ្វើតេស្តកម្មវិធីធំមួយដែលជាកិច្ចខិតខំប្រឹងប្រែងដើម្បីបញ្ជូនអវកាសយានិកត្រឡប់ទៅឋានព្រះច័ន្ទវិញនៅចុងទសវត្សរ៍នេះ។

លោក Ye Peijian ប្រធានអ្នកឌីហ្សាញយានអវកាសព្រះចន្ទដំបូងគេរបស់ចិនបានប្រាប់អ្នកកាសែតថា ចិនប្រហែលជាអាចបញ្ជូនអវកាសយានិកទៅឋានព្រះចន្ទលើកដំបូងត្រឹមឆ្នាំ២០៣០។

លោក Liu បន្ថែមថា មុននេះ ចិនក៏ចង់បញ្ជូនបេសកកម្មមនុស្សយន្តទៅរុករកការចែកចាយទឹក ក៏ដូចជាប៉ូលនៃព្រះចន្ទ។

បេសកកម្មថ្មីបំផុតរបស់ចិនទៅឋានព្រះចន្ទគឺ Chang’e 5 ដែលទើបតែត្រឡប់មកមកផែនដីវិញកាលពីឆ្នាំមុនដោយនាំមកជាមួយសំណាកព្រះចន្ទ។ យានរុករកដែលបានចុះចតនៅឆ្ងាយពីផ្នែកនៃព្រះច័ន្ទក្នុងឆ្នាំ ២០១៩ នៅតែកំពុងរុករកផ្ទៃ៕

ប្រែសម្រួល៖ វីរបុត្រ
ប្រភព៖ nytimes