ព័ត៌មានអន្ដរជាតិ

អង់គ្លេស ដាក់កម្លាំងទ័ព និងសព្វាវុធនៅអឺរ៉ុប ចាំជួយ ណាតូ

បានផុស

៣ years មុន

នៅ

ថ្ងៃអាទិត្យ ៣០ មករា ២០២២

ដោយ

នាយករដ្ឋមន្ត្រីអង់គ្លេស លោក Boris Johnson បានប្រកាសកាលពីថ្ងៃសៅរ៍ថា ចក្រភពអង់គ្លេស បានត្រៀមខ្លួនរួចជាស្រេច ក្នុងការផ្តល់ឲ្យណាតូ នូវការដាក់ពង្រាយទ័ពអាវុធ , នាវាចម្បាំង និងយន្តហោះចម្បាំង នៅក្នុងទ្វីបអឺរ៉ុប ដើម្បីឆ្លើយតបទៅនឹងការកើនឡើង នៃអរិភាពរបស់រុស្ស៊ី ចំពោះ អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Johnson បាននិយាយនៅក្នុងសេចក្តីថ្លែងការណ៍មួយថា “កញ្ចប់នេះនឹងផ្ញើសារច្បាស់លាស់ ទៅកាន់វិមានក្រឹមឡាំង យើងនឹងមិនអត់ធ្មត់ចំពោះសកម្មភាពអស្ថិរភាពរបស់ពួកគេឡើយ ហើយយើងនឹងឈរជាមួយសម្ព័ន្ធមិត្តណាតូរបស់យើងជានិច្ច ក្នុងការប្រឈមមុខនឹងអរិភាព របស់រុស្ស៊ី ” ។

សូមរំលឹកដែរថា ប្រទេសរុស្ស៊ីក្នុងឆ្នាំ ២០១៤ បានបញ្ចូលឧបទ្វីបគ្រីមៀ របស់អ៊ុយក្រែន នៅក្នុងចលនាមួយ ដែលមិនដែលត្រូវបានទទួលស្គាល់ដោយអន្តរជាតិ ហើយដែលត្រូវបានចាត់ទុកថា ខុសច្បាប់ ក្រោមច្បាប់អន្តរជាតិ។ នៅឆ្នាំនោះ ក៏បានឃើញទីក្រុងមូស្គូ ចាប់ផ្តើមការគាំទ្ររបស់ខ្លួន ចំពោះក្រុមឧទ្ទាមបំបែកខ្លួន នៅភាគខាងកើតអ៊ុយក្រែន ដែលជាគោលនយោបាយ ដែលវាបានបន្តអស់រយៈពេលប្រាំបីឆ្នាំមកហើយ៕

ប្រែសម្រួល៖ សាង ស្រីល័ក្ខ

ប្រភព៖CGTN

ចុចអាន៖មកដឹងអាវុធទំនើបៗ ៥ ប្រភេទ រុស្ស៊ី អាចប្រើកម្ទេច អ៊ុយក្រែន

ចុចអាន៖ប្រមុខ UN និយាយថា រុស្ស៊ី នឹងមិនឈ្លានពាន អ៊ុយក្រែន ទេ