ព័ត៌មានអន្ដរជាតិ

នាយករដ្ឋមន្ត្រីព័រទុយហ្គាល់ Costa ឈ្នះសំឡេងភាគច្រើនក្នុងការបោះឆ្នោតម្សិលមិញ

បានផុស

៣ years មុន

នៅ

ថ្ងៃចន្ទ ៣១ មករា ២០២២

ដោយ

គណបក្សសង្គមកណ្តាល-ឆ្វេងនិយមរបស់ប្រទេសព័រទុយហ្គាល់បានឈ្នះសំឡេងភាគច្រើនក្នុងការបោះឆ្នោតសកលកាលពីថ្ងៃអាទិត្យម្សិលមិញដែលធានាអាណត្តិថ្មីដ៏រឹងមាំសម្រាប់លោកនាយករដ្ឋមន្ត្រីលោក Antonio Costa ដែលលេចធ្លោពីការទទួលខុសត្រូវចំពោះតុល្យភាពសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលដែលមានអ្នកទៅបោះឆ្នោតច្រើនលើសការរំពឹងទុកបើទោះជាមានវិបត្តិកូវីដ-១៩ចេញមកគួរឲ្យភ្ញាក់ផ្អើល បន្ទាប់ពីគណបក្សសសង្គមនិយមបានចាញ់ប្រៀបខ្លាំងក្នុងការធ្វើស្ទង់មតិមុនពេលបោះឆ្នោត ហើយប្រការនេះមានន័យថា ព័រទុយហ្គាលនឹងមានរដ្ឋាភិបាលស្ថិរភាពដើម្បីពិនិត្យមើលការអនុវត្តមូលនិធិស្តារកូវីដ។

ការបោះឆ្នោតនេះត្រូវបានអំពាវនាវកាលពីខែវិច្ឆិកា បន្ទាប់ពីសម្ព័ន្ធភាពអតីតកុម្មុយនិស្ត និងប្លុកឆ្វេងនិយមរឹងមាំរបស់ Costa បានចូលរួមក្នុងសិទ្ធិទម្លាក់ថវិការបស់រដ្ឋាភិបាលភាគតិចរបស់លោក។ ជាលទ្ធផល គណបក្សឆ្វេងនិយមទាំងពីរបាត់បង់អាសនៈរបស់ពួកគេជាងពាក់កណ្តាល។ នេះបើយោងតាមលទ្ធផល។

បន្ទាប់ពីការស្ទង់មតិកាលពីសប្តាហ៍មុន លោក Costa បានទទួលស្គាល់ខ្លួនឯងថា ពលរដ្ឋព័រទុយហ្គាល់មិនចង់ផ្តល់ឲ្យលោកនូវសំឡេងភាគច្រើនទាំងស្រុងទេ និងបាននិយាយថា លោកបានត្រៀមខ្លួនដើម្បីចងសម្ព័ន្ធភាពជាមួយគណបក្សដែលមានឆន្ទៈដូចគ្នា។

ក្នុងសុន្ទរកថាជ័យជម្នះ លោកមានប្រសាសន៍ថា ៖«ការទទួលបានសំឡេងភាគច្រើនមិនមែនមានន័យថា មានអំណាចទាំងស្រុងនោះទេ។ វាមិនមែនមានន័យថា ដឹកនាំម្នាក់ឯងនោះទេ។ វាជាការទទួលខុសត្រូវកើនឡើង និងមានន័យថា ដឹកនាំជាមួយប្រជាពលរដ្ឋព័រទុយហ្គាល់ទាំងអស់»។

មុនពេលលទ្ធផលប្រកាសចុងក្រោយ លោក Costa បាននិយាយថា គណបក្សរបស់លោកឈ្នះបាន១១៧ ឬ១១៨អាសនៈ ក្នុងចំណោមអាសនៈសភា២៣០ដែលបានកើនឡើងពី១០៨អាសនៈដែលទទួលបានក្នុងការបោះឆ្នោតកាលពីឆ្នាំ២០១៩៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេស ព័រទុយហ្គាល់