យន្តហោះ ចិន បើកបុករទេះឥវ៉ាន់ រេពេញផ្លូវ (មានវីដេអូ)

យន្តហោះដឹកទំនិញប្រភេទ Boeing 747-400F របស់ក្រុមហ៊ុនអាកាសចរណ៍ចិនអ៊ែរឡាញ China Airlines នៅអាកាសយានដ្ឋាន Chicago O’Hare បានបើកបុករទេះដាក់ឥវ៉ាន់ ខណៈកំពុងរត់យឺតៗលើផ្លូវ ប៉ុន្តែហេតុការណ៍​នេះ​មិន​បណ្តាល​ឲ្យ​មាន​មនុស្ស​ស្លាប់ ឬរង​របួស​អ្វី​ឡើយ ។

មុនពេលចុះចតនៅទីក្រុង Chicago រដ្ឋ Illinois យន្តហោះនេះបានដំណើរការជើងហោះហើរដឹកទំនិញរវាងទីក្រុងតៃប៉ិរបស់តៃវ៉ាន់ និងទីក្រុង Anchorage រដ្ឋ Alaska ។

យោងតាមសេវាសង្គ្រោះបន្ទាន់បានឲ្យដឹងថា យន្តហោះបានរងការខូចខាតម៉ាស៊ីនស្លាបខាងឆ្វេង ហើយទំហំនៃការខូចខាតដល់រទេះដាក់អីវ៉ាន់ក៏ច្រើនផងដែរ ខណៈដែលរទេះមួយចំនួនត្រូវបានបឺតចូលទៅក្នុងបំពង់ស៊ីទែនម៉ាស៊ីន ។

បច្ចុប្បន្នមូលហេតុនៃឧបទ្ទវហេតុនេះ មិនទាន់ត្រូវបានគេដឹងច្បាស់នៅឡើយទេ ហើយក្រុមហ៊ុនអាកាសចរណ៍ China Airlines ដែលមានមូលដ្ឋាននៅតៃវ៉ាន់ មិនទាន់ចេញសេចក្តីថ្លែងការណ៍ផ្លូវការ ទាក់ទងនឹងគ្រោះថ្នាក់នេះនៅឡើយទេ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ វីរុសកូវីដបំប្លែងខ្លួនថ្មី លេចចេញមកទៀតហើយ អាចបង្កការគំរាមកំហែង ដល់មនុស្សពេលអនាគត (មានវីដេអូ)