ព័ត៌មានអន្ដរជាតិ
ពូទីន លែងនៅស្ងៀម ចេញមុខចោទអាមេរិកថា ព្យាយាមទាញរុស្ស៊ីឲ្យធ្លាក់ចូលសង្គ្រាម (មានវីដេអូ)
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចោទប្រកាន់សហរដ្ឋអាមេរិកថា កំពុងព្យាយាមអូសទាញប្រទេសរបស់លោក ឲ្យធ្លាក់ចូលទៅក្នុងសង្រ្គាមនៅអ៊ុយក្រែន។
នៅក្នុងការអត្ថាធិប្បាយសំខាន់ៗលើកដំបូងរបស់លោក ស្តីពីវិបត្តិក្នុងរយៈពេលជាច្រើនសប្តាហ៍មកនេះ លោកបាននិយាយថា គោលដៅរបស់អាមេរិកគឺប្រើប្រាស់ការប្រឈមមុខដាក់គ្នាជាលេសដើម្បីដាក់ទណ្ឌកម្មបន្ថែមទៀតលើប្រទេសរុស្ស៊ី។

លោកក៏បាននិយាយដែរថា អាមេរិកមិនបានអើពើអំពីការព្រួយបារម្ភរបស់រុស្ស៊ីចំពោះកងកម្លាំងសម្ព័ន្ធមិត្តណាតូនៅអឺរ៉ុបនោះទេ។
ថ្លែងបន្ទាប់ពីកិច្ចពិភាក្សាជាមួយនាយករដ្ឋមន្ត្រីហុងគ្រី លោក Viktor Orban នៅទីក្រុងមូស្គូ, លោក ពូទីន លើកឡើងថា “វាហាក់ដូចជាថា សហរដ្ឋអាមេរិកមិនខ្វល់ខ្វាយច្រើនអំពីសន្តិសុខរបស់អ៊ុយក្រែន ប៉ុន្តែភារកិច្ចចម្បងរបស់ពួកគេគឺដើម្បីទប់ស្កាត់ការអភិវឌ្ឍន៍របស់រុស្ស៊ី។ ខ្ញុំយល់ថា អ៊ុយក្រែនគ្រាន់តែជាឧបករណ៍មួយដើម្បីឈានដល់គោលដៅនេះប៉ុណ្ណោះ”។

ការប្រជែងគ្នារវាងរុស្ស៊ី និងអាមេរិក ដែលនៅតែជាឃ្លាំងអាវុធនុយក្លេអ៊ែរធំបំផុតរបស់ពិភពលោក គឺចាប់ផ្តើមតាំងតែពីសម័យសង្រ្គាមត្រជាក់ឆ្នាំ១៩៤៧ ដល់១៩៨៩មកម្ល៉េះ។ ពេលនោះ អ៊ុយក្រែនគឺជាផ្នែកសំខាន់មួយនៃសហភាពសូវៀត។
គួរបញ្ជាក់ជាថ្មីថា ភាពតានតឹងនាពេលបច្ចុប្បន្ន បានកើនឡើងដល់កម្រិតខ្ពស់ជុំវិញការដាក់ទ័ពរបស់រុស្ស៊ី នៅជិតព្រំដែនអ៊ុយក្រែន។

រុស្ស៊ីបានបដិសេធការចោទប្រកាន់របស់ប្រទេសលោកខាងលិចដែលថា ខ្លួនកំពុងរៀបចំផែនការសកម្មភាពយោធា ក្នុងរយៈពេលជិតប្រាំបីឆ្នាំបន្ទាប់ពីខ្លួនបានបញ្ចូលឧបទ្វីបគ្រីមៀជាឧបសម្ព័ន្ធ និងគាំទ្រការបះបោរបង្ហូរឈាមនៅក្នុងតំបន់ភាគខាងកើតអ៊ុយក្រែន។
ផ្ទុយទៅវិញ ទីក្រុងមូស្គូបានចោទប្រកាន់រដ្ឋាភិបាលអ៊ុយក្រែនពីការខកខាន មិនអនុវត្តកិច្ចព្រមព្រៀងអន្តរជាតិដើម្បីស្ដារសន្តិភាពដល់តំបន់ភាគខាងកើត ដែលជាកន្លែងមនុស្សយ៉ាងតិច ១៤,០០០នាក់ត្រូវបានសម្លាប់ ហើយក្រុមឧទ្ទាមគាំទ្រដោយរុស្ស៊ី កំពុងគ្រប់គ្រងទឹកដី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ លោក បៃដិន ថា ទោះមានបញ្ហាអ្វីក៏ដោយ អាមេរិក ត្រៀមជួយ អ៊ុយក្រែន រួចស្រេច បើ រុស្ស៊ី គំរាមកំហែង

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ