វៀតណាម សាងសង់ប្រាសាទអង្គរវត្តចម្លងនៅទីក្រុងដាណាង (មានវីដេអូ)

សារព័ត៌មានវៀតណាម Foody VN បានចុះផ្សាយថា ប្រាសាទអង្គរវត្តចម្លងដ៏ស្រស់ស្អាតត្រូវបានសាងសង់ឡើងនៅកណ្ដាលទីក្រុងដាណាងប្រទេសវៀតណាម ដោយយកយកគំរូតាមស្ថាបត្យកម្មប្រាសាទអង្គរវត្ត ដែលជាតំបន់បុរាណវត្ថុប្រវត្តិសាស្ត្រ-វប្បធម៌ដែលមានលក្ខណៈពិសេសតែមួយគត់នៅកម្ពុជា ក៏ដូចជាសំណង់អច្ឆរិយៈមួយរបស់ពិភពលោក ។

សារព័ត៌មានខាងលើបានចុះផ្សាយទៀតថា ជឿ ឬមិនជឿ យើងមានប្រាសាទអង្គរវត្តដ៏ស្រស់ស្អាតដែលដូចកំណែដើម ហើយចាប់ពីពេលនេះតទៅមិនចាំបាច់ “ឆ្លងដែន” ទៅទស្សនាប្រាសាទអង្គរវត្តពិតប្រាកដនៅកម្ពុជាទៀតនោះទេ ។

ទន្ទឹមនោះយោងតាមគណនីហ្វេសប៊ុកមួយឈ្មោះ Phnom Rithy បានបង្ហោះវីដេអូ និងសរសេរថា “នៅថ្ងៃខាងមុខគឺងាយស្រួលសម្រាប់បងប្អូនខ្មែរក្រោម មិនបាច់ចំណាយពេលឆ្លងប្រទេសមកមើលប្រាសាទអង្គរវត្តនៅខេត្តសៀមរាបទៀតនោះទេ ព្រោះយួនគេបានសុំសិទ្ធិសាងសង់ប្រាសាទអង្គររបស់ខ្មែរនៅក្នុងសួនកម្សាន្តនាខេត្តដាណាង” ។

គណនីដដែលបានសរសេរទៀតថា “ហេតុតែស្រលាញ់ គេបានសុំការអនុញ្ញាត្តពីខាងក្រសួងរួចហើយ ដើម្បីជួយចែកចាយវប្បធម៌ ហើយប្រាសាទអង្គរវត្តចម្លងនេះបានសម្ពោធដាក់ដំណើរការរួចហើយផងដែរ” ។

គួរបញ្ជាក់ថា ប្រាសាទអង្គរវត្តចម្លងនៅក្នុងទីក្រុងដាណាងប្រទេសវៀតណាមត្រូវបានសាងសង់រួចរាល់ និងដាក់ដំណើរការចាប់តាំងពីថ្ងៃទី១ ខែកក្កដា ឆ្នាំ២០១៨ មកម៉្លេះ ៕

ប្រែសម្រួលដោយ ៖ ជីវ័ន្ត

ប្រភព ៖ Foody VN

ចុចអាន ៖ តើបទល្មើសអ្វីខ្លះដែល វៀតណាម កាត់ទោសប្រហារជីវិត?