ព័ត៌មានអន្ដរជាតិ
ក្រុមហ៊ុន Moderna ចាប់ផ្តើមធ្វើតេស្តវ៉ាក់សាំងកូវីដលើកុមារ លទ្ធផលនឹងដឹងនៅនិទាឃរដូវឆ្នាំ២០២១
ក្រុមហ៊ុន Moderna Inc បានប្រកាសកាលពីថ្ងៃព្រហស្បតិ៍ថា ខ្លួនបានចាប់ផ្តើមសាកល្បងវ៉ាក់សាំងការពារជំងឺកូវីដ១៩លើកុមារហើយ។
យោងតាមសេចក្តីប្រកាសព័ត៌មានរបស់ក្រុមហ៊ុនជីវបច្ចេកវិទ្យាមួយនេះបានឲ្យដឹងថា ការសាកល្បងដំណាក់កាលទី២និងទី៣ត្រូវបានរំពឹងថានឹងចុះឈ្មោះអ្នកចូលរួមចំនួន៣,០០០នាក់ដែលមានអាយុចន្លោះពី១២ទៅ១៧ឆ្នាំ។
អ្នកស្ម័គ្រចិត្តពាក់កណ្តាលនឹងត្រូវចាក់វ៉ាក់សាំងរបស់ក្រុមហ៊ុន Moderna ដែលត្រូវបានគេស្គាល់ថា mRNA-1273 ចំនួន២ដូសក្នុងរយៈពេល៤សប្តាហ៍ដាច់ពីគ្នាហើយអ្នកស្ម័គ្រចិត្តពាក់កណ្តាលទៀតនឹងទទួលបានថ្នាំ Placebo។
ក្រុមអ្នកស្រាវជ្រាវនឹងពិនិត្យមើលសុវត្ថិភាពនិងប្រសិទ្ធភាពនៃការចាក់ថ្នាំបង្ការរោគចំពោះកុមារហើយពួកគេនឹងត្រូវតាមដានរយៈពេល១២ខែបន្ទាប់ពីការចាក់វ៉ាក់សាំងលើកទី២។
លោក Stéphane Bancel នាយកប្រតិបត្តិក្រុមហ៊ុន Moderna បាននិយាយថា “យើងរីករាយចំពោះការចាប់ផ្តើមការសិក្សាដំណាក់កាលទី២និងទី៣នៃវ៉ាក់សាំង mRNA-1273 លើក្មេងជំទង់ដែលមានសុខភាពល្អនៅសហរដ្ឋអាមេរិក”។
លោកបន្តថា “គោលដៅរបស់យើងគឺដើម្បីបង្កើតទិន្ន័យនៅនិទាឃរដូវឆ្នាំ២០២១ដែលនឹងគាំទ្រការប្រើប្រាស់វ៉ាក់សាំង mRNA-1273 ចំពោះមនុស្សវ័យជំទង់នៅមុនឆ្នាំសិក្សា២០២១”។
យោងតាម clinicaltrials.gov ដែលជាគេហទំព័រនៃការសាកល្បងព្យាបាលគ្រប់គ្រងដោយបណ្ណាល័យវេជ្ជសាស្ត្រជាតិអាមេរិកបានឲ្យដឹងថា ការសិក្សានេះត្រូវបានគេរំពឹងថានឹងបញ្ចប់នៅក្នុងខែមិថុនាឆ្នាំ២០២២។
គេហទំព័រនេះក៏បានបញ្ជាក់ផងដែរថា ទីតាំងធ្វើតេស្តនឹងមាននៅក្នុងរដ្ឋ Idaho, Minnesota, New York, Oklahoma, Texas និង Utah៕
ប្រែសម្រួលដោយ៖ Vann Vann
ប្រភព៖ Daily Mail
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)