ឡាវ ​ផលិត​ថ្នាំគ្រាប់​ព្យាបាល​អ្នក​ញៀន​ថ្នាំ

រោងចក្រឱសថប្រទេសឡាវនឹងចាប់ផ្ដើមសាកល្បងផលិតថ្នាំគ្រាប់ដើម្បីជួយព្យាបាលអ្នកញៀនថ្នាំតាម​យុទ្ធសាស្ត្រ​របស់​ក្រសួង​សន្តិសុខ​សាធារណៈ ។

កាសែត Vientiane Times បានរាយការណ៍ថា ទម្រង់ថ្នាំគ្រាប់នេះត្រូវបានអនុម័តរួចរាល់ហើយដោយនាយកដ្ឋានចំណីអាហារ និងឱសថរបស់ក្រសួងសុខាភិបាល ។

ទន្ទឹមនោះនាយករោងចក្រឱសថ No. 3 លោកវេជ្ជបណ្ឌិត លោក Lahounh Chanthabout និយាយ​ថា ថ្នាំ​គ្រាប់​នេះ​ជា​ថ្នាំ​មួយ​ប្រភេទ​ដែល​ប៉ះពាល់​ដល់​ប្រព័ន្ធ​ប្រសាទ​របស់​អ្នក​ជំងឺ ។ នៅ​ពេល​ប្រើ ​អ្នក​ជំងឺ​នឹង​មាន​អារម្មណ៍​ហាក់​ដូច​ជា​បាន​ប្រើ​គ្រឿង​ញៀនដដែរ​” ។

លោកវេជ្ជបណ្ឌិត Lahounh បាននិយាយថា ឱសថនេះដំណើរការដោយធ្វើត្រាប់តាមឥទ្ធិពលនៃសារធាតុញៀនពិតប្រាកដ ដោយរួមបញ្ចូលនូវសមាសធាតុដែលធ្វើសកម្មភាពដូចទៅនឹងប្រភេទគ្រឿងញៀនដែលអ្នកជំងឺត្រូវការ ។

លោកបន្ថែមថា “ទោះជាយ៉ាងណាក៏ដោយ ការព្យាបាលការញៀនថ្នាំអាចចំណាយពេលខ្លះ អាស្រ័យលើភាពធ្ងន់ធ្ងរនៃការញៀន ។

ជាចុងក្រោយលោក Lahounh បញ្ជាក់ថា “ថ្នាំគ្រាប់នេះមានអាយុកាលប្រើប្រាស់រយៈពេល ៣ ឆ្នាំ បន្ទាប់ពីការផលិត ហើយដំណើរការផលិតទាំងមូល រួមទាំងការចែកចាយ និងការប្រើប្រាស់ត្រូវបានអនុញ្ញាតដោយផ្នែកពាក់ព័ន្ធ” ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ មកដឹង ប្រាក់ខែគ្រូបង្រៀនប្រទេសទាំង ១០ នៅ អាស៊ាន