ព័ត៌មានអន្ដរជាតិ
លោក ពូទីន ទៅប៉េកាំង ជួបលោក ស៊ី ស្របពេលវិបត្តិ អ៊ុយក្រែន-រុស្ស៊ី កំពុងតានតឹងខ្លាំង
ប្រធានាធិបតីរុស្ស៊ីលោក វ្លាឌីមៀរ ពូទីន ត្រៀមជួបសមភាគីចិនលោក ស៊ី ជីនពីង ក្នុងទីក្រុងប៉េកាំង នៅថ្ងៃសុក្រទី៤ខែកុម្ភៈស្អែកនេះ ដើម្បីពិភាក្សាអំពី “ទស្សនៈរួម” ស្តីពីសន្តិសុខ ចំពេលមានការព្រួយបារម្ភថា រុស្ស៊ីកំពុងរៀបចំ វាយអ៊ុយក្រែន។
ជំនួយការវិមានក្រឹមឡាំង លោក Yuri Ushakov បាននិយាយថា ទីក្រុងមូស្គូ និងប៉េកាំង កំពុងខិតខំប្រឹងប្រែងយ៉ាងខ្លាំង ដើម្បីបង្កើតហេដ្ឋារចនាសម្ព័ន្ធហិរញ្ញវត្ថុរួមគ្នា ដែលអាចការពារកិច្ចសហប្រតិបត្តិការរុស្ស៊ី-ចិន ពីការដាក់ទណ្ឌកម្មដ៏មានសក្តានុពលពីប្រទេសផ្សេងៗ ដែលភាគច្រើនគម្រាមដាក់កំហិតលើរុស្ស៊ី។
លោកបានបន្ថែមថា វិមានក្រឹមឡាំងមានទំនុកចិត្តថា ចិននឹងគាំទ្ររុស្ស៊ីចំពោះការព្រួយបារម្ភផ្នែកសន្តិសុខរបស់ខ្លួនជាមួយលោកខាងលិច ខណៈបណ្តាមេដឹកនាំណាតូ បន្តកិច្ចខិតខំប្រឹងប្រែងការទូតដើម្បីបញ្ចៀសសកម្មភាពយោធារបស់រុស្ស៊ី ប៉ុន្តែបានបន្តបដិសេធការទាមទាររបស់រុស្ស៊ី។
ក៏មានការព្រួយបារម្ភកាន់តែខ្លាំងឡើងផងដែរនៅក្នុងរយៈពេលប៉ុន្មានខែថ្មីៗនេះដែលថា ប្រទេសចិនអាចចាប់ផ្តើមសកម្មភាពយោធាលើកោះតៃវ៉ាន់។
លោក ពូទីន និងលោក ស៊ី នឹងទទួលទានអាហារថ្ងៃត្រង់ជាមួយគ្នានៅថ្ងៃសុក្រនេះ អំឡុងពិធីបើកព្រឹត្តិការណ៍កីឡាអូឡាំពិករដូវរងា ហើយអាចចុះហត្ថលេខាលើកិច្ចព្រមព្រៀងច្រើនជាង ១៥ ខណៈកិច្ចព្រមព្រៀងថ្មីៗជាច្រើនកំពុងត្រូវបានរៀបចំទាក់ទងនឹងឧស្ម័នធម្មជាតិ។
លោក Ushakov និយាយថា “សេចក្តីថ្លែងការណ៍រួមស្តីពីទំនាក់ទំនងអន្តរជាតិឈានចូលយុគសម័យថ្មី ត្រូវបានរៀបចំសម្រាប់កិច្ចពិភាក្សានេះ។ វានឹងឆ្លុះបញ្ចាំងពីទស្សនៈរួមរបស់ទីក្រុងមូស្គូ និងប៉េកាំង ស្តីពីសន្តិសុខក្នុងចំណោមបញ្ហាផ្សេងៗទៀត។ ប្រទេសចិនគាំទ្រតម្រូវការរបស់រុស្ស៊ីសម្រាប់ការធានាសន្តិសុខ”។
មេដឹកនាំលោកខាងលិចបានចោទប្រកាន់រុស្ស៊ីថា បានប្រមូលផ្តុំកងទ័ពជាង១០០,០០០នាក់នៅតាមព្រំដែនរបស់ខ្លួនជាប់អ៊ុយក្រែន និងរៀបចំសម្រាប់សកម្មភាពដ៏មានសក្តានុពលមួយ។
លោកខាងលិចបានព្រមានថា ការវាយប្រហាររបស់រុស្ស៊ីនឹងត្រូវប្រទះ “ផលវិបាកធ្ងន់ធ្ងរ” រួមទាំងការដាក់ទណ្ឌកម្មសេដ្ឋកិច្ចទូលំទូលាយផងដែរ។
ទោះបីជាយ៉ាងណាក៏ដោយ រុស្ស៊ីបានបដិសេធរាល់ផែនការប្រើសកម្មភាពយោធា ហើយផ្ទុយទៅវិញបានចោទលោកខាងលិចថា មិនខ្វាយខ្វល់ការព្រួយបារម្ភផ្នែកសន្តិសុខរបស់ទីក្រុងមូស្គូនៅតាមព្រំដែន៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ អ៊ុយក្រែន ភ័យថា រុស្ស៊ី នឹងប្រើផ្លូវកាត់នៅតំបន់គ្រោះថ្នាក់វិទ្យុសកម្ម វាយចូលទីក្រុង គៀវ ត្រឹម២ម៉ោង
លោក វ៉ី សំណាង៖ ម្លប់នៃសន្តិភាពផ្តល់ឱកាសវិនិយោគិនមកវិនិយោគក្នុងខេត្តតាកែវកាន់តែច្រើន
រដ្ឋមន្ត្រីធនធានទឹក ណែនាំប្រធានមន្ទីររាជធានី ខេត្តចាត់ក្រុមបច្ចេកទេសចុះពិនិត្យផលប៉ះពាល់សំណង់អាងទឹក ក្រោយមានគ្រោះរញ្ជួយដីនៅប្រទេសជិតខាង
ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ទស្សនីយភាពល្ខោនខ្មែរ ៤ប្រភេទនឹងត្រូវយកទៅសម្តែងក្នុងបុណ្យភូមិខាងមុខ
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ