អតីតនាយករដ្ឋមន្ត្រីថៃ ថាក់ស៊ីន ថា លោកជាអ្នកចុះហត្ថលេខាតែងតាំង លោក ប្រាយុទ្ធ ជាឧត្តម​សេនីយ៍

លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃបានថ្លែងថា “លោក ប្រាយុទ្ធ ចាន់អូចា ជានាយទាហានសិស្សប្អូន កាលខ្ញុំធ្វើជានាយករដ្ឋមន្ត្រី” ។

លោកបាននិយាយថា “ខ្ញុំ​ជា​អ្នកដែល​ចុះ​ហត្ថលេខា​ទទួល​ព្រះរាជក្រឹត្យ​​តែងតាំងឲ្យលោក ប្រាយុទ្ធ ​ជា​ឧត្តម​សេនីយ៍ ប៉ុន្តែ​នយោបាយ​ត្រូវតែមាន​ការ​ប្រកួត​ប្រជែង ​ការ​បំបាក់​មុខ​គ្នា​ទៅ​វិញ​ទៅ​មក ហើយវាគឺជារឿងធម្មតារបស់នយោបាយ” ។

លោក ថាក់ស៊ីន បញ្ជាក់ថា “ប៉ុន្តែវាមិនមែនជាសត្រូវនោះទេ ។ ប្រសិនបើសួរខ្ញុំនៅពេលនេះ ខ្ញុំក៏មិនមែនជាសត្រូវនឹងលោក ប្រាយុទ្ធ ចាន់អូចា នោះដែរ ហើយយើងស្គាល់គ្នាច្បាស់ណាស់” ។

គួរបញ្ជាក់ថា ការលើកឡើងរបស់លោក ថាក់ស៊ីន ស៊ីណាវ៉ាត្រា បានធ្វើឡើងតាមរយៈកិច្ចពិភាក្សានៅក្នុងក្រុម CARE Kid Lew Thai ស្តីពី “នយោបាយថៃក្នុងភាពចលាចល” កាលពីថ្ងៃទី១ ខែកុម្ភៈ ឆ្នាំ២០២២ ៕

ប្រែសម្រួលដោយ ៖ គង់ សំអាន

ប្រភព ៖ Siamrath

ចុចអាន ៖ អតីតនាយករដ្ឋមន្ត្រី និងនាយករដ្ឋមន្ត្រី ថៃ បច្ចុប្បន្ន ជូនពរប្រជាជនក្នុង ឱកាសចូលឆ្នាំចិន