ព័ត៌មានអន្ដរជាតិ

ណាតូ ថា រុស្ស៊ី កំពុងចល័តអាវុធទំនើប និងកងទ័ពប្រមាណ ៣ ម៉ឺននាក់

បានផុស

៣ years មុន

នៅ

ថ្ងៃសុក្រ ៤ កុម្ភៈ ២០២២

ដោយ

អគ្គលេខាធិការអង្គការណាតូលោក Jens Stoltenberg បាននិយាយកាលពីថ្ងៃព្រហស្បតិ៍ថា ប្រទេសរុស្ស៊ីបាននឹងកំពុងចល័តអាវុធទំនើប និងកងទ័ពប្រយុទ្ធប្រមាណ ៣០,០០០ នាក់ទៅកាន់ប្រទេសបេឡារុសក្នុងរយៈពេលចុងក្រោយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Stoltenberg បាននិយាយថា ការចល័តអាវុធទំនើប និងកងទ័ពនេះ គឺជាការដាក់ពង្រាយយោធាដ៏ធំបំផុតរបស់ទីក្រុងម៉ូស្គូទៅកាន់ប្រទេសបេឡារុស ចាប់តាំងពីការបញ្ចប់សង្គ្រាមត្រជាក់មក ។

លោកបានប្រាប់អ្នកយកព័ត៌មាននៅទីក្រុង Brussels ថា ការដាក់ពង្រាយនេះរួមមានកងកម្លាំងប្រតិបត្តិការពិសេស Speznaz យន្តហោះចម្បាំង SU-35 មីស៊ីល Iskander និងប្រព័ន្ធការពារដែនអាកាស S-400 ។

លោកបានបន្ថែមថា “អ្វីៗទាំងអស់នេះនឹងត្រូវរួមបញ្ចូលជាមួយនឹងកងកម្លាំងសមយុទ្ធនុយក្លេអ៊ែរប្រចាំឆ្នាំរបស់រុស្ស៊ី ខណៈការប្រើមីស៊ីល Iskander របស់រុស្ស៊ីកំពុងបង្ហាញពីសង្គ្រាមនុយក្លេអ៊ែរ” ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ អាមេរិក ចោទ រុស្ស៊ី រៀបផែនការបង្កើតលេស ដើម្បីវាយប្រហារ អ៊ុយក្រែន